TAWAG NI INANG KALIKASAN
Halina, halina, mga iniibig,
Halina't sa aking kandunga'y humilig,
SA piling ko'y walang anino ng sakit
Na sa inyong puso'y sukat lumigalig.
Ang mga batis ko, dagat, yungib, sampung kapataga'y
Mayaman sa awit, tugtugi't tulain, alamat at buhay.
SA gilid ng batis naghanay ang batong nangasisiawit pag hiniligan mo.
Tubig ng kudyapi't ang bagting ay damo, at ang tagasaliw ng hanging mangaso.
Magsiupo kayo sa lilim Ng dapdap at Inyong langhapin ang simoy ng dagat,
Ang taghoy ng along taboy ng habagat
Ay pakinggan ninyo't daing ng pagliyag.
SA gulod sa bundok nama'y naroon
Ang nagyayabungang mga punongkahoy,
SA maraming bungang sa sanga'y nag-ugoy
Mamili ng hinog at kayo'y mamupol.