Before I begin dey yarn, make I hail that beta Aunty wey come up with this ogbonge naija pidgin contest idea. That pesin na 
E get this my mama brother wey bin dey loyal to my mama, dry love my mama anyhow, sote she come love am. E happen say my mama na big woman that year so the boy bin dey village and e Don pass age to go school na im my mama come decide to carry the boy come Lagos make the boy for go school so that for future im go be better person then e go fit help himsef and everybody. So she train am finish, the boy cut turn lawyer. After im finish school e cum get job with multi national company wey come make am big man. E buy car and come build houses. You know say when devil wan do bad thing human being no dey know.. Na so my mama one dey come sick beta sickness wey come finish her money.. She do plenty operation wey come make am poor.. E come bad well well sote nothing dey to chop, no money to rent house, Na im my mama say make she go meet this her broda, I bin dey expect say as she tell am d wey tins take be, the guy go just reason her one or two. U fit believe say this guy no even let my mama enter e house. After like two days na im I hear say the guy come dey spoil the woman name after everything wey d woman do for am. Sorry e go tell my mama husband say she dey see another man, the Tori come pass be careful... My country people how unable see am? How person go just dey form friend then before you know the person na I'm be your strongest enemy? My question mark how human go come fit know all this kain friendly enemies? Una do well my people?!