Nasa akin na ang lahat noon
Ngunit napalampas ko ang pagkakataon
Nabulag ako sa di maganda kong trato sa'yo
Kaya ngayon napunta sa ibang dako

Nagsisisi at pilit na tinatanggap
Ika'y wala na sa'king tabi na laging hanap
Ang pag-ibig ay nangangailangan ng panahon
Sa paghilom ng mga sugat dulot ng kahapon

Di ko nakita na ika'y unti-unting nawawalay
Mukha tuloy akong walang malay
Di ko rin maisahan ang labis na masaktan
Dahil batid kong ito'y pagdaraanan

Gusto kong makaahon sa dinaramdam kong ito
Gusto ko rin nandito ka na ulit sa tabi ko
Ikaw lang ang gustong makapiling
Sa Diyos ay dinggin sana ang aking hiling

Sana'y mapatawad mo nang buong puso
Kailanman di ka nawala sa isip at puso ko
Ikaw pa rin ang gustong makasama
Habang buhay sa iyo'y di magsasawa

Maraming salamat mga kaibigan!