Mabigat man ang iyong nararamdaman
Okay lang yan, hindi ka dapat kabahan.
Dahil kung ang lahat ikaw man ay iiwan
Nandito ako at ang "Luha Mo'y Pupunasan".

Narito lang ako, aking sinisinta
Pupunasan ko ang iyong mga luha.
Dadamayan ka sa iyong mga pighati
At papalitan ko ito ng mga ngiti.

Kaya wala kang dapat ipag-alala
Dahil may masasandalan ka pa.
Palagi mo akong makakasama
At saya ulit ay iyong madarama.

Matagal-tagal ko na din gustong sabihin to
Na matagal-tagal na din kitang gusto.
Hinihintay ko lang ang panahong ito
At mapakitang may-aabang sa iyo.

Ang tulad kong handang maghintay
Ng pagkakataon dahil ako'y tunay.
Aking puso't pagkatao ay dalisay
Pagmamahal ay walang kapantay.

Narito na'ko, wag kanang mag-alala
Taong magmamahal sayo aking sinta.
Ang puso ko'y bigyan mo lang ng daan
At habang buhay kitang paka-iingatan.