"Maghintay Ka Lamang"
Sa dinarami ng mga problema
Mayroon pa rin pangarap na tinatamasa
Para sa pamilya na mabigyan ng saya
Buhay nila maging marangya
Hindi man ngayon ang panahon na itinakda
Huwag susuko at ipagpatuloy ang pagtitiyaga
Nakasalalay sa 'yong palad
Pangarap na dapat matupad
Wag sana mainip dahil ganyan ang buhay sa mundo
Basta't sa puso at isipan ika'y porsigido
Susuyurin saang iskinita
Basta trabaho ay makakita
Pagod ay di alintana
Hihinto lang sa tabi ay okay na
Mabigo man ngayon bukas-loob na tatanggapin
Ang bukas ay muling iisipin
Hindi mawawalan ng pag-asa
Sa Diyos kakapit at aasa
Batid ang paghihirap
Sa huli ay masusuklian rin ng sarap
Hindi matatawaran ang saya
Kung pangarap ay matatamasa
Basta maghintay ka lamang nang walang humpay
Makakamtam mo rin ang rurok ng tagumpay
Maraming Salamat sa Pagbasa (Thank you for Reading!)
Nawa'y naantig at naaliw kayo sa mumunting tulang aking orihinal na nilathala. Kung may komento, opinyon o may reaksyon man kayo, wag kayong mag atubiling i-reply sa post na ito. Ako'y lubos ang galak na makita ang mga iyon.