Sa iyong paglisan
Ako'y labis na nasugatan
Para bang buto ko ay nabalian
Paralisado rin buong katawan

Nagbago na ang takbo ng buhay ko
Bigo pa sa pag-ibig mo
Dati-rati mundo ko'y masigla
Noong ikaw ay nandyan pa

Subalit noong mang-iwan ka
Gumuho ang mundo ko bigla
Hindi lubos maisip ang bukas
Dahil pagmamahalan natin ay nagwagas

Dapat ko nalang ba na tanggapin
Na talagang nawala ka na sa akin
Ako'y nagdarasal na makabangon muli
Na kalungkotan ay di manatili

Naway akoy madaling makaahon
Sa mapapait na kahapon
Sadyang mapagbiro sa atin ang tadhana
Maging sa propesiya hindi tayo ang itinakda

Mananatili kang isang alaala
Na minsan sa 'kin ika'y nagbigay sigla
Naway nasa mabuti kang kinalalagyan
Hiling ng puso kong iyong nilisan