TAGALOG SERVE V: IKA-APAT NA BAHAGI NG IKALAWANG PANGKAT

Ang Nakaraan...

“Maaasahan ka talaga, Jessa!” muling humalakhak si Toto at tinapik ang balikat ni Jessa. “Ngayong alam na natin ang kinaroroonan ng portal patungong Dragolandia, oras na para sumulong tayo at lipulin sila nang sa gayon ay wala nang hahadlang sa balak nating higupin ang lahat ng life force sa mundong ibabaw!”

At biglang naglabas ng matinding enerhiya si Malou dahil sa matinding galit. Sinenyasan niya si Lemron na agad namang nakuha ang gusto niya at lumapit ito sa kanya.

this photo is brought to you by Toto the big tutuy

"Anu gang sama nang iyong pagmumukha?" Usal ni Domer habang bahagyang napapa-umis sa kanyang nasilayan. Ikinagitla naman iyon ni Toto at Jessa, ang paglalahok ng dalawa ay nagbigay sa kanila ng pambihirang lakas ngunit pagkakasama naman talaga ng itsura. Hindi katagala'y nagsipaggayak na sila para sa umpisahan ang isang pagkakabanas na laban, si Toto laban sa pinaglangkap na kapangyarihan ni Malou at Lemron habang si Domer ang humarap kay Jessa.

Dagliang sumugod ang ating mga tagapagtanggol ng Dragolandia. Naguula-ol ang dragon, kasabay neto ang pagpapakawala ng isang technique na nagagawa laang nila pag silay naka-fusion." Tamalisnabalinghoy Blast!!!!" Usal ng tambalang Louron.

Louron: Ang pangalang binigay sa kinalabasan ng pag-aanib pwersa(fusion) nina Malou at Lemron. Isang dragon na may ulo ng tao, ang itsura nare ay sadyang ka-sama at ula-ol na.

Napamulagat si Toto ng masilayan na sa kanya patungo ang kakaibang kapangyarihan, tinangka nya i-yong halitin ngunit lubhang pagkakalakas neto kaya siya ay napasubasob sa agbang malapit sa talon. Kasabay noon ay nag pang-abot narin sina Jessa at Domer. Nagngangalit ang ngipin ni Toto sa galit, dagli areng tumayo at nagngangangaw-ngaw, lumabas mula sa kataw-an niya ang nakakasilaw na liwanag "Katapusan niyo na!!" hiyaw neto(malakas na sigaw na abot pa-ilaya) habang nagmamadaling tapusin ang laban ng kanyang mabalikan ang iniwang potato chips.

Tinawag ni Toto ang espirito ng kaniyang tattoo at are'y lumahok din sa kanya. Nagbago ang kayang anyo, lumaki ang mata at lumi-it (mga kasing li-it ni Hive account@cheche016), siya ay naging taong Tarsier. Kasabay neto'y nagbuka ang langit at nag babaan ang mga diwatang anghel na kaanib ni Toto ang iba rine ay mamaas-maas at napapasungasob na laang ng walang dahilan.

Sa mga ganap n ire ay utay-utay na napayupyop ang Louron, umis ki umis si Toto at pas-pas na isinagawa ang pagsipsip sa life force ni Malou. Hindi nag tagal at nag sulputan na ang mga alipores ng Dragolandia at tinulungan ang nanglalatang sina Malou, Lemron, at Domer. Sinamantala iyon ni Toto at nagkukumahog na nagliban paparoon sa portal na kung saan siya ay napagawi sa UAE(sosyal ang hayupak nag abroad).

source

"Anung lupalop ereng dinatnan ko? Ako yata'y natitikbalang!" wika ni Toto habang siya ay sige sa paglalakad, Naaninaw niya ang isang kakaibang tumpok ng buhangin na may katre sa ibabaw. "Si Karin my love so sweet!" sambit neto ng nasulyapan niya ang pinaglulupagihan ng kanyang natutulog na asawa. NIlapitan nya ang babaysot at usal ang kakaibang orasyon at lifeforce na nahigop nya kay Malou ay binuhay nya si Karin.

Samantala sa kabilang dako...

Utay-utay na nagtagumpay ang pwersa ng Dragolandia, matapos un ay nasama-sama silang inihatag ang kanang kamay sa ibabaw nina Malou, Lemron at Domer para mag Delegate ng SP (super powers) Muling lumakas ang ating mga bayani "tapusin na natin ang laban mga besh!" usal ni Domer sa dalwa niyang kasma at sila'y pumasok nadin sa portal.

Nakarating din ang tatlo sa UAE ( sa hindi maurirat na dahilan ay nakakapasok sila dine na walang passport at visa, at hindi nahuhuli ng immigratio. Amazing!!)

Dinatnan nila ang mag-kaulayaw na sina Karin at Toto sa gitna ng mainit na disyerto, hindi sila napansin ng mga are. Paub-ob silang naglakad palapit "anu ga't dine pa nagwawalanghiyaan ang dalwang ire." usal ni Lemron. "Kagugulang na'y kalalandi pa" sagot naman ni Domer, habang si Malou ay hindi makatingin dahil sa labis na pagkarimarim. Dagliang sinamantala ng tatlo ang pagkakataon at sinunggaban nila sila Toto at Karin, sa lakas ng pinagsanib na pwersa ng dalawa ay napaiskad ang tatlo. "Bwahahahahaha!!!" malakas na tawa ni Toto (yung tipong labas ang ngala-ngala). Naging mainit ang laban kasing banas ng klima sa disyerto (realtalk), hinarap ni Domer at Lemron si Toto habang si Malou ang nakipagbuno kay Karin. Dagubduban ang lupa at dagasa na ang buhangin na sanhi ng pagsasalubong ng pwersa nina Toto, Lemron, at Domer.

Sa pasilangan ay mainit din ang labanan ni Karin at Malou, isang laban yumayanig hanggang kalangitan. Ug-og ang lupa pati narin ang sikmura ng mga camel sa pagsasalubong ng kanilang mga pwersa, hanggan sa nangibabaw ang kapanyarihan ni Karin. Nakalupage sa buhanginan si Malou at agaran itong kinubabawan no Karin upang itarak ang punyal, gulok, at sikwit na kanyang nilikha gamit ang kanyang kapangyarihan. Inililis nya ang damit ni Malou para hanapin ang parte kung nasaan ang puso neto nang makita nya ang balat ni Malou sa kaliwang dibdib. Napatigil at napaluha si Karin ng masilayan ang balat, "Bakit ho?" tanong ni Malou.

Anak ko!! sambit ni Karin kay Malou

Ang nasilayan ni Karin ay ang balat na waring mukha niya at ng kanyang ex-jowa na atin nalaang hong itago sa pangalang "FAFA BAE"(si fafa bae ang tunay na mahal no Karin at si Toto ay ipinagkasundo laang s kanya at baog si Toto kaya hindi nakabiso). "Kayo po ga ang tunay kong ina? Ereng nasa balat ko?" buong pagkaulagang tanong ni Malou, napatango na laang si Karin habang tulo ang uhog dahil sa pag hikbi. Napa yupyop si Malou sa nalaman at dagliang namn siyang itinaas ni Karin. Binasa ni Karin ang isip ni Malou at lahat ng pinagdaanan nang kanyang anak, nalaman nya lahat ng kasamaang dulot ni Toto dine.

Utay-utay na nanghina sina Lemron at Domer. "Lubhang napakalakas nang walang hiyang are!" usal ni Domer. "Hinding-hindi ninyo ako matatalo." buong pagmamalaki ni Toto. itinaas ni Toto ang kanyang kanang kamay at nagipon ng pagkakalaking bola ng enerhiya upang waksan ang buhay ng dalawang ulagang weak naman pala. Sa pagaakala nila Domer na katapusan na nila ay tila may isang malakas a kidlat ang tuama sa bola ng enerhiya ni Toto na ikinabalibag neto sa buhanginan, si Karin. Laking gulat ni Toto sa nangyari napagnilaynilayan niyang nalaman na ni Karin ang lihim sa pagkatao ni Malou. "Ala, Ay sa tingin mo'y matatalo moko sa estado kong are? Aaaaaaaaaaaaaaaaaaaaaahhhhhhhhh!!!!!!!" naglabas ng kakaibang pwersa si Toto at tinapatan nmn iyon ni Karin subalit tunay namang pagkakalakas na ni Toto (Pagsadami ba namang pinaghihigopna life force ng taong are)

Nanghihina si Karin at tanging umis laang ang napala natin kay Toto sa pagmamalaki neto sa kanyang taglay na lakas. Tumakbo si Malou patungo sa kinaroroonan ni Karin. "Inaaaaayyyyy!!!!!!!!!!!!!!!!!!!" hiyaw ng babaysot habang tumatakbong papalapit sa kaniyang ina. Niayakap ni Malou si Karin at isang nakakasilaw na puting liwanag ang bumukal mula sa kanilang pinagbungkos na bisig. Nag sanib pwersa ang mag-ina, isang nakakayanig na aura ang bumabalot sa katawan ni Malou. Utay-utay na naglakad papalapit si Malou kay Toto habang binabato naman sya neto nag bola nagenerhiya. Laking gulat ni Toto ng biglang naglaho sa harap niya si Malou at umulpot sa likod nya sabay bitaw ng napakalakas na sipa sinundan un ng kuryenteng nanggaling sa mga daliri ni Malou napasubasob ang lukong si Toto at duon sinamantala ni Malou na bitawan ang panapos niyang technique.

"Tamalisnabalinghoy!!!"

Tumama iyong direkta kay Toto, ayun sa-bog ang puwit ng loko. Nagpagulong-gulong si Toto at tuluyan na itong iniwan ng mga life force na nahigop nya. Utay-utay syang nanlupaypay hanggang nawalang ng ulirat. Nagdiwang ang buong Dragolandia sa tagumpay, muling nagkaulayaw ang mag-ina at naibalik ang katahimikan sa Dragolandia.

Wakas...