“DONG kwae kog ice cream bi”
Ug ikaw nga geisip ko nga usa ka manghud
ningkuha rapud.
Dong nakahinumdom ka?
Kato bitaw’ng…
sweet corn
nga atong ilabay
pataas, dayon
sal-on nato
pinaagi sa baba.
Bitaw,
Perting lingawa nako ato
kabalo ba ka
mga kinder 2
ko ato,
grade 1 ka,
gadula mo
ug pulisdunggab ni Pidoy ug Jun,
Pagdunggab nimu ni Pidoy
Samtang gadula-dula mi ni Ana
ug balay-balay
Pareha sa eksina sa tv,
Gatutok ang batang laki,
sa crush niya nga bata nga bayi,
Pero one of a kind atoa
Ako nga ga lutok ang mata
gatutok sa imuha
Ming kalit kag lingi,
ning smile,
ug akong heart nalanay,
Ug nadunggan nako ang imung mga pulong
“Day trapuhi na imung sip-on oh”
Naka-hinumdum ka?
MILABAY ang mga adlaw, tuig,
Sa atong panagduwa,
Mikalit ka’g biya.
Niabot na ang higayon high-school nata,
Di pareho atong elementary,
naka tsinelas ra,
karon ang batang yagit
Naka polo ug tiktak na.
Ni maayo na kag basketbol,
Nasalamagmaan pa nimu,
nahimu kang captain ball
Ako diri nga nagpakahoy-kahoy
Minglaban sa mama’g papa
Consistent honor rolls rapod biya
Ug ang gihulat sa tanan,
Mag prom night nata,
Ikaw ug ang kuyog nimo nga si Joyce,
Na melt akong heart ug nawala ang poise,
Dayun pagkahuman nag dit-dit pajud mo sa Plaza,
Lami kaayo isinggit ug “dong undangi na na ba!”
Sa di masabot nga panghitabo,
gebundakan ta ug ulan,
Kamu kauban si Joyce naalibwag mo,
Samtang ako galuha nga naglakaw sa Dalan
Naka hinumdum ka?
Sakit man pero kinahanglan ta mag-move on
so Life must goes on!
well, sa college naka una ka,
Pero pag-paso nag dungan ta,
Ning smile napud ka,
naa napu’y laing chicks sa kilid
ug ni ingun ka nga “uie inday si rose diai”
Nakahinumdum ka?
Ambot ug ngano na naa man
gihapon ang sakit.
Sa pipila ka tuig,
Nawala ka,
Naila nako si
John
Luke
Mattew
ug si Mark
Bisan ug sila,
wala nakahuman
sa kada page sa
libro sa gugma
Miabot ang higayon
naay sulat
sulat nga pink
ang naka sulat sa sulat kay
"And now these three remain: faith, hope and love. But the greatest of these is love."
1 Corinthians 13:13
Gekasal si Pidoy ug Ana
Dayun naay you’re invited
Murag naay kilig nga ning pilit
akong nawong nanginit
Dili para kang pidoy ug ana
Kun di ang pag pamasin nga makita tika
Dayun ang mga adlaw ning labay
Gekasal na sila,
Samtang galakaw si Ana sa aisle,
Ako nangita kung aha ka,
Wa tika nakita,
oks lang naka move-on naman pud ko nimu,
Chika2 sa mga friend,
kumusta diri, kumusta didto
Ug ninghunong ang tanan
Murag gebayaw akong kalag ngadto sa ganghaan sa gugma,
Wala ko kasabot,
mura kog maka utot,
lami mudagan
mag ligid2,
or unsa ba
Nag lakaw ka padulong sa akoa.
Naa nakay bangas gamay,
naka vneck, jeans, ug chucks
Ning badlis sa akong alimpatakan,
ang mga pulong nga “Day trapuhi na imung sip-on oh”
ang “dong undangi na na ba!”
ang “inday si rose diai”
Dong nakahinum dum ka?
peroha napapas ra ang tanan,
kay naa nka sa akong atubangan,
Naa jud diai forever
Mga approximately 2 meters,
ga eye to eye ta,
Ikaw ang unang na nagad
“day kagwapa na nimu karun uie”
Ang Haba ng aking hair
Ug sa kalit,
sa imung kilid naay nanguhit,
“Pa kwae kog ice cream bi”
Pagka-cute gyud sa imung bata.