Marahil, unang basa mo palang nito'y tataas na ang iyong kilay at mapapasabi kang "aba'y ang bastos naman ng post na ito" , ngunit bigyan niyo po ako ng pagkakataong mas lubusan itong maipaliwanag sa inyo.
Ang salitang 'Sapnu Puas' o kapag binasa mo ng nakabaliktad ay 'Send Nudes' ay isa na sa mga kumakalat na pauso ngayon sa mga kabataang Pilipino. Pero ano nga ba ang ibig sabihin nito?
Siguro nga'y hindi na natin ma iaalis ang maduming ibig sabihin ng salitang ito ngunit subukan nating lawakan ang ating pag unawa, hayaan niyo pong magbigay ako ng isang kwento:
Isang araw may lalaking nagsend ng salitang 'sapnu puas' sa napakagandang babae ngunit nabigla siya sa ibang ibig sabihin ng salitang ito
Lalaki:
Hi miss,total matagal na naman tayong magkakilala, pwede bang 'sapnu puas'?
Babae:
Hi, alam mo limang taong gulang palang ako ng namatay ang ama ko, simula noon nagsikap ang aking inang maitaguyod ang 2 kong kapatid. Takot ako sa mga bagay na pansalamantala kasi takot akong mangyari ulit ang nangyari noong iniwan ang ng taong sobra kong inibig. Nais ko rin sanang maging isang doktor upang aking mabigyan ng tamang alagang medikal ang ibang tao at....
Lalaki:
Teka teka, oo at maganda ang iyong kwento ngunit hindi naman iyon ang nais kong makita, imposible namang hindi mo alam ang salitang 'sapnu puas' o 'send nudes'?
Babae:
Alam na alam ko ang salitang yan at ang mga bagay na sinabi ko sa iyo ay ang Hubad na ako. Ang ako na mahina at lugmok sa aking nakaaran na kung saan labis akong nasaktan. Ang aking madilim na sikretong kailan may hindi ko na nais na balikan. Hindi man iyon ang nais mong makita o malaman pero total matagal na tayong magkakilala , naisip kong ibahagi iyon sa iyo.
Ang sinabi ng babae ay talinghagang ibig sabihin ng salitang 'sapnu puas'. Iyon ay mas literal pa sa literal na ibig sabihin ng nasabing salita. Marahil sa unang basa ay mapapaisip ka sa ibig ipahiwatig ng dalaga, ngunit kalaunay magkakaroon ito ng mas malalim na kahulugan.
Ito po ay ang aking malayang pagsulat. Lahat po ng nasabi ko sa itaas ay ang aki lamang sariling opinyon ng salitang 'sapnu puas' o 'send nudes'.
Maraming salamat sa inyong pagbasa at patuloy po tayong gumawa ng sanaysay sa Filipino upang masuportahan ang sarili nating wika. Magandang Araw po.
Nagmamahal,
Maye