ရှာတဲ့နေရာ မှားနေလို့
တစ်ခုခုကို တွေ့ချင်လို ရှာတယ်ဆိုရင်
ရှာတဲ့နေရာ မှန်ဖို့လိုပါတယ်။
စိတ်ချမ်းသာမှုက်ို ဘယ်နေရာမှာ ရှာမလဲ။
နေရာမှားရင် တွေ့မှာမဟုတ်ဘူး နေရာမှန်က
ဘယ်မှာလဲ။
စိတ်ထဲမှာ အဲဒီနေရာမှာ မတွေ့ရင် တခြားနေရာမှာ
မှ မတွေ့နိုင်ဘူး။
ဥာဏ်ရှိတဲ့သူ ၊ ပညာရှိတဲ့သူ တွေက
စိတ်ချမ်းသာမှုဟာ စိတ်ထဲမှာပဲ ရှိတယ်လို့
အထပ်ထပ်အခါခါ ပြောခဲ့ပါတယ်။
ဒါပေမယ့် •••
ဥာဏ်မရှိတဲ့သူတွေက စိတ်ချမ်းသာမှုဟာ
ပစ္စည်းထဲမှာရှိတယ် ပြောကြတယ် အဲဒါကိုလည်း
ယုံကြတယ် ။
အာဏာထဲမှာ ရှိတယ်လို့ပြောကြတယ် အဲဒါကိုလည်း
ယုံကြတယ်။
ကျော်ကြားမှုထဲမှာ ရှိတယ်လို့ပြောကြတယ်
အဲဒါကိုလည်း ယုံလိုက်တာပဲ။
အာဏာရတယ် ၊ ကျော်ကြားမှု ရတယ် •••
စိတ်ချမ်းသာမှုတော့ မရဘူး နေရာလွဲနေလို့
တစ်သက်လုံးရှာပေမယ့် မတွေ့ကြဘူး။
စိတ်ချမ်းသာမှုဟာ ဒီအချိန် ဒီနေရာမှာပဲ ရနိုင်တယ်
ဒီနေရာမှာ စိတ်ချမ်းသာမှုကို မတွေ့ရင် •••
ဘယ်နေရာ ဘယ်နေရာမှာတွေ့မယ် ထင်သလဲ။
ဟိုအချိန် ဟိုနေရာမှာ တွေ့မယ်ထင်ပြီး ရှာနေလို့
စိတ်ချမ်းသာမှုကို မတွေ့တာပဲများတယ်။
ရှာတဲ့နေရာ မှားနေလို့ •••
များသောအားဖြင့် စိတ်ချမ်းသာမှုကို ရှာရင်း
စိတ်ဆင်းရဲမှုတွေနဲ့ တွေ့ရတယ်။
သူက ငါ့ကို စိတ်ချမ်းသာအောင် လုပ်ပေးလိမ့်မယ်
လို့ မျှော်လင့်နေရင် ကိုယ်မျှော်လင့်သလို •••
ဖြစ်တဲ့အခါ ခဏ စိတ်ချမ်းသာမယ်။
အဲဒီလို စိတ်ချမ်းသာနေတဲ့ အချိန်မှာတောင် •••
နောင်လည်း ဒီလိုလုပ်ပေးအောင် ဘာလုပ်ရမလဲ
ဆိုတဲ့ စိတ်မအေးရတဲ့ အတွေးရှိနေတယ်။
မကြာကြာ ကိုယ်မျှော်လင့်သလို မဖြစ်ဘူး။
ဒါကြောင့် မကြာမကြာ စိတ်ဆင်းရဲ ရပြန်တယ်။
အခြေအနေတွေ အားလုံးအစဉ်ပြေရင်
စိတ်ချမ်းသာမယ်လို့ မျှော်လင့်တယ်။
အဲဒီလိုနဲ့ပဲ နှစ်တွေကြာလာပြီ။
အဆင်ပြေတာက နည်းတယ်။ အဆင်မပြေတာက
များတယ်။ ဒါကြောင့် စိတ်ချမ်းသာတာ နည်းတယ်။
စိတ်ဆင်းရဲတာ များတယ်။
တနေ့တော့ ဆိုတဲ့မျှော်လင့်ချက်နဲ့ နေနေရတယ်။
အဲဒီတစ်နေ့ဆိုတာ ရောက်မလာဘူး။
သူ့နေရာမှာပဲ သူနေတယ်။
ဒါကြောင့် စိတ်ချမ်းသာချင်ရင် အခု စိတ်ချမ်းသာ
အောင် နေလိုက်မယ် လို့ ဆုံးဖြတ်ပါ။
စိတ်ချမ်းသာမှုကို အပြင်မှာ မတွေ့နိုင်ဘူး
တကယ် စိတ်ချမ်းသာတဲ့သူကို ကြည့်ရင်
သူဟာ စိတ်ချမ်းသာမှု ဘယ်မှာရမလဲ ဆိုပြီး
လိုက်ရှာမနေဘူး •••
သူ တန်ဖိုးထားတာကို လုပ်နေတယ်။
စိတ်ချမ်းသာချင်ရင် စိတ်ချမ်းသာစရာကို
လိုက်ရှာမနေနဲ့။
စိတ်ချမ်းသာမှု့ ပေးပါလို့ မတောင်းပါနဲ့။
ကိုယ်လုပ်ချင်တာကို စိတ်ပါ လက်ပါ လုပ်နေပါ။
ကိုယ့်ကိုယ်ကို ယုံကြည်ပါ။
ကိုအရည်အချင်းကို ကိုယ် ယုံကြည်ပါ။
ဆရာတော်ဦးဇောတိက(မဟာမြိုင်တောရ)