Goodmorning Steemit world, here's my newest video tutorial for my fellow Steemians from the Philippines. Tagalog ito at madali maintindihan para sa mga baguhan sa Steemit at cryptocurrency. Para sakin, ang pag intindi sa tamang gamit ng keys ay isa sa mga pinakaunang dapat matutunan pagkatapos maapprove ang ating account at mga kaibigang naimbitihan natin na makasama dito sa Steemit.
Sana ang maiksing video na ito at makatulong sa inyo.
Sa bagong video na ito ay sama-sama nating busisiin at kilalanin ang pinakamahahalagang detalye na kailangan nating malaman upang magamit natin ng may siguridad ang ating mga steemit account.
Ano ang gamit ng mga Permission at Keys na makikita sa ating Steemit Profile, kapag pumunta tayo sa WALLET patungo sa PERMISSIONS.
Posting Key
Ito ang angkop at pinakaLIGTAS na gamitin sa paglog-in ng ating account sa website ng Steemit at iba pang third party application na mayroon para sa Steem Blockchain. Gaya ng Busy.org, Esteem, Steepshot, Dtube, Dlive, Dmania.
Gamit ang Posting Key, magagawa nating magpost, upvote at mag-comment.
Ang...
Active Private Key
naman ay para sa pag-sasagawa ng mga transaction mula sa ating Steemit wallet.
Halimbawa ang pag-transfer, pag-power up/power-down, pagpapalit ng posting, active, memo at maging ang abilidad na makaboto ng mga witness sa Steemit.
Bago tayo magpatuloy, nais ko lamang ipaalala na ang Posting at Active Key ay merong dalawang uri, ito ay ang
PRIVATE at PUBLIC.
PRIVATE Posting Key at PRIVATE Active Key
ay ikaw lamang ang dapat nakakaalam nito at wala ng sino mang iba.
PUBLIC Key
naman ay nagsisilbing address kung saan maaring magpadala ng mensahe sa atin ang sino man sa Steemit Platform.
Owner Key
Ito ang MASTER KEY ng ating account. Gamit ito ay may pahintulot ang user upang makontrol ang KABUUAN ng ating account.
Napakahalaga ng Owner Key dahil nagbibigay ito ng permiso upang baguhin ang iba pang mga Keys, kasali na din dun mismo ang Owner Key.
Hindi dapat gamitin ang Owner Key sa paglog-in, kundi sa mga panahong kinakailangan lamang na baguhin ang kasalukuyang Keys na ginagamit mo sa iyong account.
Halimbawa nalang sa mga pagkakataong may sumusubok maghack o kontrolin ang ating account gamit ang ibang keys. Maaring agapan ang pagkakawala ng account sa pamamagitan ng Owner key, ito ay para mapalitan ang alin man sa mga lumang keys ng bago.
Memo Key
Ito ay upang makita ang mga private message na sinend sa atin ng ibang Steemit user.
PAALALA! Mula sa unang beses na makapaglog-in tayo sa ating Steemit account ay dapat lamang itabi natin ng mabuti at ma-ingat ang mga keys at password. I-save ng pribado digitally sa note, usb, email o isulat sa papel.
Maaring iipit ito sa libro at sa mga lugar kung saan ikaw lamang ang nakakaalam. Dahil hindi gaya ng ibang Social Media Platform, ang STEEMIT ay HINDI nagtatabi, wala silang kopya ng ating PASSWORD at KEYS na ibinibigay nila sa mga user.
Kaya kung sakaling mawala natin ang mga keys ay wala na ding paraan para marecover o mabawi muli ang iyong account.
Tandaan na iwasang makalimutan ang mga keys. Iwasang mabiktima ng mga Phishing
site o mga website na nagpapanggap bilang Steemit at mga website na nagkukunwaring third party application na nanghihingi ng impormasyon upang makuha ang ating keys.<
Huwag basta-basta pumindot ng mga kahinahinalang links. Huwag maglog-in gamit ang mga pribadong keys na dapat tayo lamang ang nakakaalam. Tandaan na Posting Private Key lamang ang ligtas na gamitin upang makapaglog-in sa ating account.
Bakit kailangan natin ingatan ang ating Steemit Account?
- Ang Steemit ay espesyal na Social Media platform. Nasa account mismo natin nakakabit ang ating DIGITAL Wallet kung saan tayo nagki-claim ng rewards mula sa ating mga pinaghirapang content o blog.
- Malimit pagdiskitahan ng mga hackers ang Steemit, dahil kahit walang nakatabing SBD sa account ng kanilang target ay meron naman tayong STEEM POWER na maari nilang nakawin sa pamamagitan ng pag-powerdown para makapag-cashout.
- Maaring masira ang ating reputasyon sa Steemit sakaling magamit ang ating account sa panglalamang sa ibang Steemit User.
- Hindi narerecover ang password kaya kung sakaling mawala ito at mapunta sa masamang loob ay malaki ang tiyansa na hindi mo na ulit ma-access pa at tuluyang manakaw ang mga halagang nasa loob ng ating mga account.
- Mahirap magsign-up ngayon, hindi dahil wala ka pang SBD at Steem Power na dapat ingatan ay pababayaan mo na lamang ang iyong account.
Mahalagang isipin din natin ang delegation na ibinigay ng mga nag-inbita sa atin dito sa Steemit kung meron man.
May Steem Power silang ipinaraya para magawan ka ng account. Kaya wag kalimutang bigyan ng halaga at ingatang mabuti ang ating mga KEYS.