Maayong gabie Sugbuanon! Kumusta man ang latas sa inyong kinabuhi karun?
Nakasuway na ba kamo ug apil sa bisan unsang contest dinhi sa steemit unya wala gihapon kamo kasuway ug kadaog? Ayaw nag kabalaka kay basin mao nani tubag sa imong mga kasubo.
Kini nga duwa ekslusibo ra kini sa mga sugbuanon nga steemians maong ako kining gihubad sa bisaya nga pulong. Ang tuyog tumong niini mao ang paghatag ug dakong chansa sa mga sugbuanon nga makadaog sa mga contest dinhi sa steemit.
Ako kining gigama para sa lingaw-lingaw lamang ug ang imong pagkapildi dili nagpasabot nga dili ka maayo. Basin sa sunod pa na adlaw ang imuhang swerte busa ayaw kawagtang ug paglaom.
Ang atong dula kay atong pagatawgon ug "Paggama ug Bisaya nga Caption". Magahatag ako ug usa ka litrato ug inyo kining gamaan ug kataw-anan nga caption.
BALAOD:
Mao kini ang balaod sa atung dula:
- Akong balikon kinahanglan "KATAW-ANAN KINI".
- Kinahanglan ang gamiton nga pulong kay BISAYA. Musugot ra ko ug dili lawom nga bisaya basta Bisaya lang jhud. DILI PWEDE ang BASTOS ug PAGPAMALIKAS.
- Dili na nimu kinahanglan ikapi (copy) and litrato na akong ihatag. Diretso ra nga ibutang ang imong nahuna-hunaan na caption didto sa lugar para sa mga komento.
- Usa ra ka caption ang pwede ihatag sa usa ka sugbuanong steemian. Dili na muhatag pa ug lain ug dili napud pwede usbon ang inyong gihatag nga caption.
- I upvote kini nga posts ug i resteem para daghan ang malingaw. Mamarayg lang pud ko ani kay para naa pud koy mahatag nga premyo. Hahaha.
- Kutob ra kining unang dula nato igkaabot sa pay-out niini. Nagpasabot kini nga ig abot ug pito ka adlaw dili na ko mudawat ug mga entry.
Mao kini ang atong litrato sa Unang Dula
PREMYO:
Gugma unta ang akong ihatag nga premyo pero wala man daw kunoy forever. Maong kini ang akong ihatag nga mga premyo.
- Kampyeon - 3 SBD
- Ikaduhang pwesto - 2 SBD
- Ikatulong pwesto - 1 SBD
- Ikaupat nga pwesto - .30 SBD
- Ikalimang pwesto - .20 SBD
Kung inyung mabantayan, gamay ra ang akong gipanghatag nga mga premyo. Maggikan ang premyo sa pay-out ani nga post ug kung simbako gamay ra ang pay-out dili kaayo ko ma istres. Haha. Busa palihog intawn kog sunod sa ikalimang balaod. Kung daku-dako ang pay-out niini, pwede nakong usbon ang kantidad sa premyo sa Ikaduhang Dula.
BASIHAN SA MANANAOG
Mao kini ang akong basihan sa mananaog:
- KATAW-ANAN - 10 pts.
- KASAKTO (akma ang caption sa litrato) - 10 pts.
PAG-ANUNSYO SA MAKADAOG
Idungan nako ug anunsyo ang makadaog sa Ikaduhang hugna aning dulaa maong ayaw ninyo sipyata ang pagtan-aw ig human sa pito nga kaadlaw kay basin kamo ang palarang mananaog.
PAHINUMDOM
Ako kamong giawhag sa pagtambong sa atong steemsummit diin magkita ta ug maglingaw-lingaw kauban ang ubang Sugbuanong Steemians ug dili Steemians. Ipahigayon ang Steemsummit sa A-Space Cebu City sa ALA UNA sa hapon hangtud ALAS SIETE sa gabie. (wala na edit ang banner sa ibabaw).
Pagdala kamo ug daghang mga tawo alang sa pagtubo sa atong populasyon Sugbuanon.
Para sa ubang detalye, bisitaha ninyo ang blog sa 
Giawhag pud tamo sa pag-apil sa Teenvestors Discord Channel diin mahimamat ninyu ang ubang Sugbuanong Steemians. Alang sa dugang impormasyon para sa pag-apil sa Teenvestors Discord Channel labi na sa katong wala pa nakahibaw unsa ni. Palihug lang ug kontak nako sa messenger, Kenneth Ycong Moralde o sa Discord 
Alang sa Sugbuanong Katilingban!
Daghang Salamat!