بغتي تنجح في حياتك

عزيزي عزيزتي.. باغين تنجحو فحياتكم ؟ باغي توصل لداكشي لي ديما كتحلم بيه ؟ باغي تولي ديك الشخصية لي راسم فبالك و كتمنى توصل ليها ؟؟

متسوقش للناس.. عيش حياتك و بدا تبني فمستقبلك.. عطي لراسك و لاحلامك وقت.. متتعلقش بأشياء تافهة لي تجرك للتحت.. متخليش تيقتك فراسك تكون مبنية على اشياء مادية حيت فأول فرصة غادي تلاقى بواحد حسن منك ماديا غادي تتزعزع تيقتك فراسك و تحس براسك ضعيف..
نسا الناس و فكر فقط فراسك.. فكر باللي الاراء ديالهم مغتقتلك مغتحييك.. دير داكشي لي باغي نتا و حاول تزيد للقدام.. عندك حرية تامة فالخيارات ديالك.. متخليش المجتمع يأتر علك سلبيا و متخفاش من الكريتيك.. حيت الناس كيفما درتي غادي ينتاقدوك.. وغادي يحاولو ينزلوك لتحت..
كلنا باغين نجحو.. و كلنا عندنا اهداف و طموحات باغين نحققوها.. تيق فراسك و عرف بلي راك قادر دير اي حاجة بغيتي.. كلشي صعيبة فالبدية.. لكن بالعزيمة و الارادة كلشي ساهل.. بدا و من بعد الكمال غادي يجي من عند الله عز و جل.. خلي ديما تيقتك فراسك كبيرة و متنزلش من قيمتك تحت اي ضرف كان.. كلنا عندنا تجارب خايبة و زوينة.. متخليش التجارب الخايبة تأتر عليك.. بالعكس خود منها العبرة و كمل للقدام.. خليك قوي را الحياة كتسالي فقط ملي كيتوقف القلب ديالك عن النبض.. خوفك من بعض الأمور لا يعني إستحالتها ، تجربة واحدة و تتغير النظرة كليا .

#بأنفسنانبدأ
#بالأخلاقنرتقي