မွေးရပ်ဇာတိမြေကိုမရောက်တာကြာပြီဖြစ်တဲ့အတွက် အားလုံးဟာအသစ်အဆန်းတွေလိုဖြစ်နေတဲ့ပတ်ဝန်းကျင်ကိုဝေ့ဝိုက်ကြည့်ရင်ကျွန်တော်သက်ပြင်းရှည်တခုကိုချလိုက်မိသည်။
ငယ်ဘဝပုံရိပ်တိုကလဲစိတ်ထဲအလိုလိုထင်ဟပ်လာတော့တယ်။မိဘအိမ်သို့ရောက်ချင်ဇောကြီးနေတဲ့ကျွန်တော့်အတွက်တအိအိမောင်းနှင်နေတဲ့မော်တော်ဘုတ်ငယ်လေးရဲ့အရှိန်ကနှေးလွန်းနေပါတယ်။မြို့နဲ့မလှမ်းမကမ်းဖြစ်တဲ့မိဘတွေရဲ့ရွာကိုရောက်ဖို့တစ်နာရီခန့်မော်တော်ဘုတ်စီးရပါတယ်။အမေ..သားမနက်ဖြန်ပြန်လာခဲ့မယ်လို့ဖုန်းဆက်တုန်းကကြားလိုက်ရတဲ့အမေ့စကားသံထဲမှာပျော်နေတဲ့အသံပါနေတယ်ဆိုတာကျွန်တော်အလိုလိုသတိထားမိပါတယ်။သားကြိုက်တတ်တဲ့ဟင်းတွေလဲချက်ထားမယ်၊ပြီးတော့ငပိရည်နဲ့တို့စရာကောင်းကောင်းလဲလုပ်ထားမယ်နော်သားလို့လဲပြောခဲ့သေးတာအမေအရမ်းပျော်နေတယ်လေ။ပျော်မှာပေါ့ကျွန်တော်မိဘတွေဆီပြန်မရောက်တာအချိန်၅နှစ်တင်းတင်းပြည့်ခဲ့ပြီလေ။
တအိအိမောင်းနှင်နေတဲ့မော်တော်ဘုတ်လေးကတဖြေးဖြေးကျွန်တော့်ရွာလေးနဲ့နီးကပ်လာပြီဖြစ်တဲ့အတွက်ကျွန်တော့်ရဲ့အတွေးစအချို့ကိုဖြတ်ပြီးကျွန်တော်ဆင်းမယ့်ဆိပ်ကမ်းကုိညွှန်ပြလိုက်ပါတယ်။ကျွန်တော်ဆိပ်ကမ်းပေါ်လှမ်းတက်လိုက်တယ်ဆိုရင်ပဲဆီးကြိုနေတဲ့အဖေနဲ့အမေရဲ့ပြုံးနေတဲ့မျက်နှာတွေကိုမြင်လိုက်တာနဲ့ကျွန်တော့်စိတ်မှာငိုချင်သလိုလိုဝမ်းနည်းသလိုလိုနဲ့မျက်ရည်ဝဲမိလာတယ်။ဒီခံစားမှုကိုမိဘနဲ့ခွဲခွာဖူးတဲ့သူတွေမှသာသိနိုင်တာပါ။
အမေကကျွန်တော်ရဲ့လက်ဆွဲအိတ်ကိုလာယူဖို့လက်ကမ်းတဲ့အတွက်ရပါတယ်အမေသားပဲဆွဲခဲ့လိုက်ပါ့မယ်ဟုပြောလိုက်ရတယ်။အဖေအမေနဲ့ကျွန်တော်သုံးဦးသားအိမ်သို့ပြန်လျှောက်လာခဲ့တဲ့ခြေလှမ်းတွေကတော့ဝမ်းသာပျော်ရွှင်မှုတွေပြည့်နှက်နေခဲ့ပါတယ်။အိမ်ခြံအဝရောက်တော့ကျွန်တော်ခဏရပ်တန်ပြီးခြံဝန်းထဲသို့ဝေ့ဝိုက်ကြည့်မိတယ်။ကျွန်တော်ငယ်ငယ်ကမန်ကျည်းရွက်နုနုလေးတွေတက်ခူးခဲ့တဲ့မန်ကျည်းပင်အုပ်အုပ်လေးကလဲတော်တော်ကြီးနေပြီပဲ။
ကျွန်တော်အိမ်ကထွက်မသွားခင်စိုက်ခဲ့တဲ့ငှက်ပျောပင်သုံးပင်ကလဲအခုဆိုရင်ငှက်ပျောရုံသုံးရုံဖြစ်နေလေရဲ့။အဖေတစ်ယောက်ထဲလုပ်ထားမှန်းသိသာစေတဲ့ဗူးစင်လေးကတော့ယိုင်နဲ့နဲ့ရှိနေပါတယ်။သားရယ်အိမ်ထဲဝင်ပြီးအေးဆေးနားပါအုံး...ခဏတာရပ်ပြီးအတိတ်ကိုပြန်ရောက်နေတဲ့ကျွန်တော့်အတွေးတွေလက်ကိုလာဆွဲပြီးအမေပြောတော့မှပြတ်တောက်သွားတယ်။
အိမ်ပေါ်ရောက်တော့ကျွန်တော်ခရီးဆောင်အိတ်ကိုချပြီးအိတ်ထဲမှကျွန်တော်လုပ်အားခရတဲ့ငွေနဲ့စုပြီးဝယ်ထားတဲ့လုံချည်နဲ့အကျီင်္ီနှစ်စုံအားထုတ်ယူလိုက်တယ်ပြီးတော့အိမ်ပြန်မလာခင်ငါးလလောက်ကကြိုပြီးစုထားခဲ့တဲ့ကျွန်တော်ရဲ့လုပ်အားခငွေဆယ်သိန်းရယ်ပေါင်းလို့အဖေနဲ့အမေ့ကိုဘုရားခန်းရှေ့မှာထိုင်စေပြီးကျွန်တော်ဦးချကန်တော့လိုက်တယ်။ဒါတွေမလိုပါဘူးသားရယ်သားပြန်လာရင်ကျေနပ်ပါပြီလို့ပြောရင်းဆုပေးနေတဲ့မိဘနှစ်ပါးရဲ့အသံတွေတုန်ယင်နေတာကိုသတိထားမိလိုက်မိတယ်။ကျွန်တော်ကပြုံပြီးအဖနဲ့အမေရဲ့မျက်နှာကိုကြည့်နေရင်းမျက်ရည်ပေါက်တို့စီးကျလားတယ်ကျွန်တော်ငိုတာမဟုတ်ဘူး..ဘာကြောင့်ရယ်တော့မသိဘူးအလိုလိုကျလာတဲ့မျက်ရည်ကိုအမေကသုတ်ပေးရှာတယ်။ရပါတယ်အမေရဲ့သားငိုတာဟုတ်ပါဘူးသူ့အလိုလိုကျလာတဲ့မျက်ရည်တွေပါဟုအမေ့ကိုပြောရင်းကျွန်တော်ကန်တော့တဲ့ပစ္စည်းတွေကိုအဝတ်ဗီရိုလေးထဲထည့်သိမ်းပေးလိုက်တယ်။
မဆုံတာကြာပြီဖြစ်တဲ့အတွက်ရှေးဟောင်းနှောင်းဖြစ်လေးတွေကိုသုံးဦးသားတစ်ပြုံးပြုံးနဲ့ပြောရင်းရေနွေးကြမ်းသောက်ရင်းခဏနားလိုက်တယ်။ကျွန်တော်ရေချိုးအဝတ်အစားလဲပြီးတော့အမေကထမင်းဝိုင်းပြင်နေပြိ်ီဒါကြောင့်အမေ့ကိုကူပြီးပြင်ပေးလိုက်တယ်။ထမင်းဝိုင်းပြင်ပြီးမှအိမ်ရှေ့ခန်းတွင်သတင်းစာဖတ်နေသောအဖေ့အားကျွန်တော်သွားခေါ်လိုက်တယ်။အမေ့လက်ရာနဲ့ဝေးနေတာကြာပြီဖြစ်တဲ့ကျွန်တော်ခေါင်းမဖော်တမ်းစားနေမိပြီငပိရည်နှင့်တို့စရာကလဲပို၍ထမင်းမြိန်စေခဲ့တယ်။
ညရောက်တော့လသာသာနဲ့အိမ်ရှေ့ကွပ်ပျစ်လေးမှာရေနွေးကြမ်းသောက်ရင်းစကားပြောကြတာပေါ့။တောရွာဆိုတော့လဲညချမ်းအချိန်ကတိတ်ဆိတ်အေးချမ်းလှပါတယ်။ညအိပ်ယာဝင်ခါနီးတော့ဘုရားရှိခိုးပြီးအဖေနဲ့အမေကိုဦးချကန်တော့ပြီးမှအိပ်ယာဝင်ခဲ့တယ်။မိဘအိမ်ဆိုတာသားသမီးတွေအတွက်အကောင်းဆုံးနားခိုရာဆိုတာသိပ်သေချာတာပေါ့ကျွန်တော်အခုအလိုလိုလုံခြုံနွေးထေးမှုတွေခံစားနေရတယ်လေ။ဒါဟာမိဘမေတ္တာတွေပဲပေါ့ဗျာ။
မနက်အိပ်ယာထတော့မျက်နှာသစ်ကိုယ်လက်သန့်စင်ပြီးအမေ့လက်ရာထမင်းကြော်ပူပူလေးကိုငါးခြောက်ဖုတ်လေးနဲ့အားရပါးရစားပြီးကျွန်တော်ခြံထဲဆင်းခဲ့လိုက်တယ်။ခြံထဲကအမှီုက်တွေရှင်းခြုံတွေခုတ်လို့အတော်ရှင်းလင်းသွားပါပြီ။အဖေကကျွန်တော်နဲ့အတူုလာကူလုပ်တယ်အမေကတော့ရေနွေးကြမ်းလာပို့ပြီးနေ့လည်စာချက်နေလေရဲ့။ခြံထဲမှာလဲအတော်ရှင်းသွားပြီဆိုတော့သီးပင်စားပင်စိုက်ခင်းလေးရယ်ဗူးစင်ရယ်ရေထမ်းလောက်လိုက်တယ်ခရမ်းခင်းကိုတော့မြေဆွပြီးမြေသြဇာကျွေးလိုက်တယ်။မိဘအိမ်ရောက်တုန်းလေးကိုယ်လုပ်နိုင်တာလုပ်ပေးခွင့်ရလို့အရမ်းလဲကြည်နူးမိတယ်။
မိဘအိမ်မှာနေရတဲ့ဆယ်ရက်ဆိုတဲ့အချိန်ဟာမြန်လွန်းလှပါတယ်။အလုပ်ကရတဲ့ခွင့်စေ့ပြီဖြစ်လို့ကျွန်တော်လုပ်ငန်းခွင်ပြန်ဝင်ရတော့မယ်အဖေနဲ့အမေလဲမျက်နှာမကောင်းကျွန်တော်ကိုယ်တိုင်လဲစိတ်မကောင်းဖြစ်မိတယ်။ပျော်ရာမှာမနေတော်ရာမှာနေရမယ့်ဘဝမို့မပြန်ချင်ပေမယ့်လဲပြန်ရပေအုံးမည်။မနက်စောစောထလို့ပြင်ဆင်ပြီးဘုရားကန်တော့မိဘနှစ်ပါးအားကန်တော့ပြီးဆိပ်ကမ်းသို့ဆင်းရတော့မည်။ခရီးလမ်းသာယာဖြောင့်ဖြူးဖို့တွက်ဆုတွေပေးသည်အစစအရာရာဂရုစိုက်ဖို့လဲတတွတ်တွတ်မှာနေသည်။ဆိပ်ကမ်အထိအဖေနှင့်အမေလိုက်ပို့ပါတယ်ကျွန်တော်မော်တော်ဘုတ်ပေါ်ပါသွားတာကိုကြည့်ပြီးစိတ်မကောင်းဖြစ်နေရှာတဲ့အဖေနဲ့အမေရဲ့မျက်နှာကိုလည်ပြန်ကြည့်မိတော့ကျွန်တော့်ရဲ့နှလုံးသားတစ်ခုရွာမှာပဲပြုတ်ကျကျန်ရစ်ခဲ့ရပါပြီ......
Author nainglinn
MSC114
HFS 13