My people for the naijapidgin community I trowey ogbonge salute for unah I say unah doooooooh in infact unah too much jare
As I dey tell you sooo eh my Belle the sweet as I d write this text because anytime wey I reason am say we get area like this wey we fit to the yarn our mind nah so so jollificate I dey jollificate and me koma no kuku to like this oyinbo thing like that.
That nah why me go the always sempe for Mama 
Today I want trowey small yarns on this important food wey do help we Nigerians life especially for we student but before I continue make I first Tanda well wish all my people happy valentine,
As we the celebrate Valentine with people wey we love make we no forget to show love to people wey also no get anybody to show them love .
Garri nah one of the popular food for we country nigeria, e don help so many life well well especially we the students wey no to hold money to the live oyinbo life.
One of the sweet thing about the food be say the poor the eat am even people wey get money too still the eat am.
Garri get so many slangs name for this we country,
Some people dey call am g4, some people call am sharp sharp while other people dey call am kewe,
People dey call am this plenty names based on d circumstances and place where Dem use am.
So make I ask you.
"How Dem take the call garri for your area"
HOW DEM TAKE THE PRRPARE AM
Garri nah one of the simplest food wey we get for we country, e dey very easy to prepare am.
How you want take prepare am eat depends on the type of garri food wey you want eat.
We get soaked garri and we also get the one wey we d call am ebah.
If nah soaked garri u want chop the simplest thing nah to just carry d dry garri put small water wey fit do d carry then u go come put sugar ganish am, and if you want make the food make sense well well you go fit top am up with groundnut, kwilikwili or milk so that the thing go make sense.
But the thing be say wheather with sugar or without all those ingredients you still fit chow the garri like that.
And if nah ebah u want take am do, nah just for you to put water for fire when the water don d boil u go come turn d water inside the garri make e turn ebah (swallow).
And this ebah you fit take am eat with any kind of soup wey u like.
Unah see say e easy abi.
Any one wey you choose to do nah your choice.
Note: abeg e get who no Sabi garri for we country.
This food too much jare e don help so many life's well well.
If you want know the value of this food make you ask our student Dem, make you ask our police and army recruit dem, make you ask our labourers dem. In fact ask anybody.
Make I drop my torey for here make e no be say I Sabi talk to much because if nah for this pidgin I fit yarn till tomorrow come.
Make unah always stay turn for more naija torey for we pidgin from 
Again make I trowey small salute for my naijapidgin community all my brothers and sisters them.
If I no mention your name make you no vex for me abeg.
If you enjoy this my small torey and if garri don help you before make you no forget to
Upvote am resteem am and then yarn your mind for the comment section
.