တုပ်ကွေးနှင့် အမှန်အမှား

H1N1 က သွေးအုပ်စု ဘီတွင်ပိုဖြစ်သည်။
❌(မှား)❌

တုပ်ကွေးပိုးအမျိုးမျိုးက သွေးအုပ်စု ဘီတွင်ပိုမဖြစ်ပါ။ တုပ်ကွေးပိုးက လူတိုင်းကို ကူးစက်နိုင်သည်။ ကူးစက်ခံရတိုုင်း ရောဂါလက္ခဏာရချင်မှရမည်။ နှာစေးချောင်းဆိုးတိုင်းလည်း တုပ်ကွေးပိုးကြောင့်မဟုတ်ပါ။

N95 mask 😷 တပ်လျှင် တုပ်ကွေးပိုးကူးစက်ခြင်းမှ ကာကွယ်နိုင်သည်။
❌ (အပြည့်မမှန်ပါ) ✅

တုပ်ကွေးရောဂါပိုးများက လေထဲမှသမက နှာရည်၊ နှာချေရာမှထွက်သော နှာရည်စက်များ၊ ချောင်းဆိုးရာမှ ထွက်သောတံတွေးစက်များ၊ သလိပ်များနှင့် ပေစွန်းထားသော ပစ္စည်းများကို ထိတွေ့ကိုင်တွယ်ခြင်းမှလည်း ကူးပါသည်။ သလိပ်များနှင့် ပေစွန်းတည်းကို အားမကိုးဘဲ လက်မှန်မှန်ဆေးပါ။ Mask မရှိလည်း အားမငယ်ပါနှင့်။ မိမိနှာရည်နှင့် ချောင်းဆိုးရာမှထွက်ရှိသော သလိပ်ကို သူတပါးဆီမရောက်ဖို့ တစ်သျှူးသုံး၍ နည်းမှန်လမ်းမှန် တာဝန်ယူသန့်ရှင်းပါ။

N95 mask ရရှိဖို့ လူစုလူဝေးများသောနေရာများကိုသွားရခြင်းကလည်း တုပ်ကွေးပိုးရဖို့ အခွင့်အရေးတက်စေသည်။ မလွဲမရှောင်သာမဟုတ်လျှင် လူထူထပ်သော နေရာများသို့ မသွားပါနှင့်။

တုပ်ကွေးကာကွယ်ရန်
ဗိုက်တာမင်စီသောက်ကြပါ
❌မမှန်ပါ❌

မည်သည့် ဗိုက်တာမင်မဆို အလွန်အကျွံချို့တဲ့လျှင် ခန္ဓာကိုယ်ခုခံအားနည်းသည်။ သို့သော် အာဟာရပြည့်သောလူတစ်ဦးအတွက် ဗိုက်တာမင် စီ အပိုဆောင်းသောက်၍ တုပ်ကွေးကို မကာကွယ်နိုင်ပါ။

ဆေးပညာရှင်များ၏ နှစ် ၇၀ ကြာသုတေသနများအရ တုပ်ကွေးရာသီတွင်သာမက တစ်နှစ်ပတ်လုံး ဗိုက်တာမင်စီသောက်သောသူများတွင်ပင် တုပ်ကွေးဖြစ်နှုန်း၊ ပြင်းထန်နှုန်းနှင့် လက္ခဏာကြာရှည်မှုကို ဗိုက်တာမင်စီက သိသာစွာ လျှော့ချမပေးပါ။ တုပ်ကွေးကာကွယ်ဖို့ ဗိုက်တာမင်စီသောက်ပါဆိုသော အကြံပြုချက်များက ဆေးသုတေသနကို အခြေခံထားခြင်းမဟုတ်ပါ။

ကိုယ်ခံအားကောင်းလိုလျှင် အခြေခံ အာဟာရစုံလင်အောင် ပုံမှန်စားပါ။

တုပ်ကွေးကြောင့် သေဆုံးနိုင်သည်။
✅မှန်✅

လူအများစုက တုပ်ကွေး လက္ခဏာဝေဒနာများခံစားပြီးလျှင် တစ်ပတ်အတွင်း ပြန်ကောင်းသွားပါသည်။ ၅ နှစ်အောက်ကလေးများ၊ ကိုယ်ဝန်ဆောင်များ၊ ၆၅ နှစ်အထက် သက်ကြီးရွယ်အိုများ၊ ပန်းနာရင်ကြပ်နှင့် နာတာရှည်ခုခံအားနည်းသူများတွင် တုပ်ကွေးပိုးကြောင့် အလွန်ပြင်းထန်သော ရောဂါလက္ခဏာများရနိုင်ပြီး အသက်ဆုံးရှုံးသည် အထိဖြစ်နိုင်သည်။

ထို့ကြောင့် ကျန်းမာရေးဌာနများမှ မှန်ကန်သော အကြံပြုချက်များကိုသာ လိုက်နာ၍ ကာကွယ်နိုင်သလောက်ကာကွယ်ပါ။ မမှန်ကန်သော သတင်းအချို့ကြောင့် စိုးရိမ်စိတ်လွန်ကဲလျှင် စိတ်ဖိစီးမှုတက်ပြီး ကိုယ်ခံအား ကျတတ်ပါသည်။

တုပ်ကွေးကာကွယ်ဆေးက အသုံးမဝင်ပါ
❌မှား❌

တုပ်ကွေးရောဂါပိုးအမျိုးမျိုးက အသွင်အမျိုးမျိုးပြောင်းတတ်၍ အဖြစ်များသော ပိုးများ၏ အသွင်ကိုခုခံနိုင်ရန် ကာကွယ်ဆေးကို နှစ်စဉ်မွမ်းမံပြင်ဆင်ထုတ်လုပ်ပါသည်။ ကမ္ဘာ့ကျန်းမာရေးအဖွဲ့အစည်းနှင့် ဆေးသုတေသနပညာရှင်များ၏ လက်ရှိအဆိုအရ တုပ်ကွေးကို အထိရောက်ဆုံးကာကွယ်မှု လက်နက်သည် တုပ်ကွေးကာကွယ်ဆေးဖြစ်သည်။

တုပ်ကွေးအဖြစ်များချိန်တွင် ဖြစ်ပွားနေသော ရောဂါပိုးအမျိုးအစားနှင့်ကိုက်ညီသော ကာကွယ်ဆေးကို ရနိုင်လျှင် ထိုးသင့်သည်။ အထူးသဖြင့် ၅ နှစ်အောက်ကလေးများ၊ ကိုယ်ဝန်ဆောင်များ၊ သက်ကြီးရွယ်အိုများ၊ ပန်းနာရင်ကြပ်၊ ဆီးချို၊ နာတာရှည် ခုခံမှုအားနည်းသော ရောဂါသည်များနှင့် ကျန်းမာရေးဝန်ထမ်းများက တုပ်ကွေးကာကွယ်ဆေး ထိုးသင့်ပါသည်။

နေနေမိုးဆွေ (Child Health Myanmar)
Pictures- credits to Google
Reference: W.H.O international, Cochrane Library, National Institute of Health, USA, Health Direct:Australia Government Immunization handbook, Australia.
#naynaymoeswe