Assalamualaikum peujoe keu Rabbi Seulaweut ke Nabi saidil Maulana
Izin keu ulon meupanton kisah Nabi
Ibrahim suci yang phok beurhala
Meuah keu ulon bak awai mula
Beumeusampoe kisah lagei yang na kri
Seubab di ulon mantong lam sikula
Menyoe na salah meuah beu neubri
Nanggroe Babilon lahe di Nabi
Lam guha suci dengan ibunda
Nahur ngon Haran saudara Nabi
Meunan geurawi dalam calitra
Azar po patong nyan ayah Nabi
Tokoh lam nanggroe geunaseh raja
Raja yang zalem Namrud yang keji
Yang poh dum bayi, agam hanjeut na
Bunda di Nabi nan geuh Layutsa
Susah han bagoe bak som seulingka
Teuingat keu raja yang mat kuasa
Dum bayi mirah teutap gue siksa
Keudeh lam guha geu peu plueng Nabi
Kudrah bak Rabbi luput di raja
Sinan keuh tempat lahirnya Nabi
Ibrahim suci Tuhan karonya
Teuma nibak nyan bunda kembali
U nanggroe keji bak som calitra
Tuhan kehendak sejahtra Nabi
Tujoh uroe kri tan soe peulihara
Kon bunda tan sayang keu aneuk bayi
Hana soe peuduli di dalam guha
Neuk som bak raja, sayang ke Nabi
Tuhan peu troek janji yang peulihara
Meusambong Calitra...
Saya sedang belajar, mohon maaf jika terdapat kekeliruan penulisan kisah dalam pantun. Terima kasih kepada brother 
dan 
atas bimbingan dan ilmunya. Terima kasih buat semua teman-teman atas dukungan kalian
If you like poetry, please support to develop poetry I will appreciate and Thank You
Images source : pixabay.com
Thanks to my friends who has helped me in writing. Thanks to all the creative communities for their support. Thanks to all who love my poetry
Thank You
Posted from my blog with SteemPress : https://pupu93.000webhostapp.com/2018/09/lahirnya-ibrahim-kecil-pantun-001-poetry-80