Assalamualaikum saleum meuturi
Saleum ulon bri bandum syedara
Syedara kumuen ngon blah rot Nabi
Beu na keuh sudi, pantoen tabaca
Jinoe ka masa pantoen lon rawi
Sejarah Nabi susoen seumula
Pantoen seunambong lagei ban janji
Cuba peurati deungon seksama
Nabi Ibrahim rasul yang suci
Wajeb ta turi dalam agama
Semoga faedah, Tuhan beu geubri
Lam pantoen Nabi, ilmei teuh beuna
Nibak si uroe beudoh di Nabi
Ban lagei janji u nanggreo mula
Nanggroe diraja namrud nyang keuji
Yang reuloeh panji Tuhan nyang esa
Lam peurjalalan bagoe han sakri
Tuetap di Nabi bak arah gisa
Riwang u nanggroe lam hati-hati
Meurumpok di Nabi ngon ureung tuha
Seunang di hate ureung chik Nabi
Ka rumeh lom hi lagei seumula
Saweub di Nabi ka meusapat kri
Lagei biduri lam keuluarga
Kasep bilangan ka lengkap lon kri
Keuluarga Nabi meuhimpon jumba
Bak meucalitra, bagoe dum sakri
Ulon peurinci nyang peunteng saja
Oh troh bak masa Nabi peusaksi
Nabi peuturi, Tuhan yang esa
Dengan harapan ayah keumbali
Keu Tuhan suci Allah ta'ala
Jioh harapan hate di Nabi
Watei geu eu hi ruman ngon rupa
Muka di ayah meuri brat beunci
Saweub di Nabi hina beurhala
Oh ban geu deungoe le ayah Nabi
Beungeh cukop hi ngon mirah muka
Sampe rab geu poh aneuk yang suci
Beungeh keu Nabi, patong geubila
Ban bagoe beungeh geu usee Nabi
Hana geuh sudi keu Nabi mulia
Meunan geu rupa hate meugunci
Bak peutheun janji seumah beuhala
Gundah ngon susah, weuh hate Nabi
Keu pada Rabbi jaroe geu buka
Meudoa Nabi ngon niet nyang suci
Harap Tuhan bri ayah meugisa
Lam surah Maryam kisah Neu rawi
Kalam Tuhan bri keu mandum hamba
Agam ngon inong beuna peurati
Al-Qur'an suci beuna tabaca
Perintah Tuhan keupada Nabi
Soe nyang ingkari hanjeut tabila
Surah At-Taubah calitra Neubri
Saweub na janji Nabi mulia
Oh noe keuh kisah pantoen lon rawi
Nabi peuturi Allah nyang esa
Beuna manfaat le Po teuh Geubri
Akhirat Neubi beudum pahala
Meunam keuh bagoe seujarah Nabi
Bak ulon rawi, kureung tentei na
Meuah keu ulon teuma beu neubri
Doa ngon janji meuhimpon teuma
, 
dan 
atas bimbingan dan dukungannya. Terima kasih buat semua teman-teman atas dukungan kalianNabi Menentang Kemusyrikan Ayahnya ( Pantun 003 )
Nabi Ibrahim Mengenal Tuhannya ( Pantun 002 )
Lahirnya Ibrahim Kecil ( Pantun 001 )
