Lawet nyoe han can sagai, angen bade sang hana igese loen di bak tanyoe, meutamah lom ngen hujen karap tip uroe ji toh mulayi bungoh sampe supot uroe, meunye hana ujen na angen meuye hana ban dua nyan pasti na rudok. sit ka meunan geubi le po, meuye hana galak keuhendak po, ci peugot keudroe pue nyang galak, saweub geutanyoe hana syukur meubacut pih.
bak peugah haba sagai kop carong tapi bak pue but hana nyang bereh, lage eu bola barosa bak tivi ka ipeugah messi dan ronaldo bagai, meuye tayu jih bola hana e’k ji sipak. Meunan sit nyoe sabe peusalah nyang geubi le po, geubi ujen salah, geubi angen salah, geubi rudok salah, geubi tarek uroe pih salah, wate hana geubi lake tapi wate geubi ka meugeuluh.
pue nyang galak awak droe keuh? Keuadaan teungoh lage nyoe mungkin na nyang geuneuk peulumah le po keu tanyoe hamba geuh, nyang lale deungoe donya dum sampe tuwoe but nyang geuyu atawa nyang geularang.
Eu mantong di lombok, lombok nyan pat reuh? Lombok meuye hana salah daerah Nusa tenggara barat kiban teuka bala, gempa nyan saboh bala nyang tanda geutegur le po atawa nyan geupeulumah keu geutanyoe nak beu meulaloe le ngen donya, nyang tip uroe tanyoe gadoh let donya.
Geutanyoe jino sep gura keuh koen lage barokoen, jino le that ta eu ureung tanyoe wate mugreb mantong jep kupi atawa bak cafee-cafee padahai bak mesjid kop raya su azan geuheu tanyoe mandum na tajak seumayang tapi peuklo-klo droe dum, wate geubi bala peugah teu tuhan hana sayang keu hamba geuh.
Padahai tanyoe nyang peuklo-klo droe wate su azan, pane sayang reuh wate geuyu koen ta peubut, bek tapeugah po teuh meu mak di rumoh beungeuh geuh meuye tanyoe hana lage geuyu, kadang geuyu jak u blang tajak duk bak intrenet bak keude kupi jak mita wifi nak jeut chat ngen cut adek nyan contoh pue hana beungeuh ureung syik tanyoe jadeh han geubi bu sigoe minggu.
Source
Meunan sit tuhan geubi bale keu tanda peu ingat bek laloe ngen donya nyang fana nyoe, mandum nyan ata di donya tinggai mandum eunteuk nyan hana nyang ta ba lang jrat bahpih peurumoh lagak, rumoh lagak, cewek lagak atawa titel nyang panyang dan hana ta teuoh kheun le.
nyoe wate mate bek neupikee neuba langjrat hana nyan, bek mulumpo cot-cot uroe atra malam neu eh beu peugot droe sumantung, nyang jeut ta ba lam kubu Cuma amalan nyang ta peubut di donya, sedekah, na tajak beut dan nak ta peubut nyang got-got. Pue na mufom dum?
Meuye mufom ka ku lake izin loen na but keu nyoe beh...assalamualakom.