Assalamu'alaikum rakan-rakan steemians.
Beunoe bak lon baca koran serambi ini na dituleh saboh berita yang bahwa meuh(emas) yum jih ka 1,9 juta rupiah, bahkan lon deungo na rencana di ek lom sampe 2 juta rupiah. Meunyo han neupateh aci neujak tanyong ju bak toko meuh peu nyo lage lon pgah nyan.
Jadi hai rakan, keu soal harga meuh(emas) di ek bagi sebagian ureng that seunang geuh, namun na sit sebagian ureng brat ju susah geuh.
Haah,, peu sebab ek sampe seunang dan peu sebab ek sampe susah gara-gara harga meuh di ek aju-aju?
Ternyata jawaban jih meunoe hai rakan, bagi ureng yang jai geukubah meuh(emas) yoh masa awai kadang wate geubloe harga 1,2 juta ternyata ban geudingo lawet nyoe harga meuh ka meuhai pasti sep brat ju seunang geuh, arti jih meunyo geupubloe ngon harga lawet nyo that jai ka laba geuh.
Teuma bagi ureng yang geudingo yum meuh lawet nyo di ek aju-aju sep brat ju susah geuh, hai peu han susah geuh ile, yang pertama geumeukawen golom (jomblo keren), jeulame pih sep han sep, geuneuk jak lakei aneuk gop ka payah geuseumike 2 kali, oeh han geulakei le getnyan takot awai dilake le gop, leuh buet takot putoh asa geuh bak geupike ke boh hatee geuh.
Yoeh thoen 2017 barosa hana geujak lakei ile calon dara baro sebab bak geupike thon 2018 nyo na geudingoe yum meuh akan itren harga, ternyata yum meuh lawet nyo karap 2 juta si manyam, leumoh aneuk muda kalinyo.
Meunyo lagenyan kejadian supoe hate ile han ancoe, bak harap si jantong hate 2018 nyo beu jadeh peuduek ateuh peulamin, ternyata payah tunda.
Laen lom masalah yang timbul bak dara baro, jeh siat-at ditanyong hai kanda sayang pajan neuyujak ureng tuha urumoh adinda? Dengan beribu alasan terpaksa kanda sayang kalinyoe harus meusulet demi bek teupeh hate dinda sayang.
Hai dinda ta saba ile siat, nyoe kanda teungoh sibuk kerja diluar daerah, soal ureng tuha akan kanda yue langkah sit urumoh dinda bak akhe buleun nyo, bek dinda meurayeuk hate, sebab yang kanda lakukan saat nyo mandum-mandum demi keu dinda dan keu geutanyo dua singoh, dinda beurayek saba, kanda akan pulang untuk menemui ureng syik dinda.
Nyan ban hai rakan perjuangan sidroe aneuk muda yang geuneuk meukawen, walaupun yum meuh(emas) semakin hari semakin meroket, tetapi meunikah beujadeh 2018 nyo, cara tamita, nyan ban perjuangan cinta.
Lon peumada ile oetnoe, bah kali laen tasambong lom teuma. Seumoga terhibur, bah pih hana terhibu, pura-pura terhibur ju nah.
Wassalam
Yang teumuleh
