Bansa Persia jôh goh djeuët keu Bansa Atjèh , nakeuh phôn teuka di tanóh Persia (Iraq-Iran) Sabab musabab neuteuka sampo rôh neu meunanggro lam pulo rudja bak djameuën radja (DORIUS) neumat keuradjeuën di Persia, lam masanjan keuh kuasa keuradjeuën radja DORIUS luwah that, luwah lagoina.
Mulayi di meusér trôh u tanóh Hindia ngón pulo rudja, lam masa njankeuh Bansa Atjèh ureuëng bakò-bakò di nanggro Persia neudjak duëk blah ròt barat pulo rudja njäng dudo neulakap nan Nanggro Atjèh.
Jôh goh njän di Atjèh tjit kana aulia aulia allah , njäng sahèh Nanggro Atjèh milék hareuta aulia aulia allah, tjit ka kheundak po teuh turônan nabi jullah nöh as leubèh awaii kalheuëh na.
Tanóh Atjèh njöë neupeulahé aulia aulia ngón ureuëng meutuwah-meutuwah sampo watèë masa rasulullah neu amanah neujuë djakba islam u samudra lam pulonjän na wali wali allah, kareuna rasullah tjit ka neuteupuë disino Samudra na sjèdaraneuh turônan para nabi nabi, meunurôt seunalén (J.Jongejans) Atjèh tjit kameusjeuhu (Meugah) sunud (abat) 1000 thôn seugohlom masehi, trôh teuka Bansa azil neudjakba adat sopan santôn.
Seugohlom keuradjeuën islam teudòng di Peureulak kana keuradjeuën ubit ubit man sigom Atjèh, salah sidro radja njäng takalam lam kitab njö nakeuh-(Pangeran Salman turônan ’’KISRA’’ Dinasti Sansanid di Keuradjeuën Persia.
Pangeran Salman neuteuka di Nanggro Persia deungón rombongän meunijaga Persia Asia Tunöng neupijôh di Nanggro djeumpa. teuma neupeusambinö deungón (Tjut Putro Manjäng Seuleudang) aneuk radja djeumpa.
Teuma neuteuka u Nangggro Peureulak njäng dudo djeut keuradja di Nanggro Peureulak. Wafheut radja Salman neusambông Keuradjeuën lé Meurah (Putra Mahkuta Pangeran) (Sjahir nawi) ka meu Agama Islam.
Teuma dilikôt njän éndatu tanjö sukè arab quraisy neuteungóh u pulo rudja neudjakba adjaran islam ngón neupeuluwah. Phôn phôn neuteungóh u keuradjeuën Ratu simo (SIMA) di pulo djawa lam kalam ureung meulaju meunurôt Prof Buja hamka lam kitab Pembendaharaan lama seubago utôsan Keuradjeuën Islam di nanggro arab u Keuradjeuën Ratu Simo di pulo djawa dairah surabayan djinö .
Dua thôn neuh di Nanggo Keuradjeuën ratu Simo häna meusidro pih njän teurimöng Agama Islam kareuna ureung Keuradjeuën ratu Simo nakeuh meu Agama budha. Teuma utôsan Keuradjeuën Islam arab neubet saôh peurahô (Bèhtra) neugisa neusaôh Béhtra di udjông kuala Peureulak. Teuma neuteungóh u darat ròt kruëng Peureulak hingga trôh u saboh teumpat (Pelabôhan tanjông Pineung) (kruëng lingka) sinän neupijôh.
Teumpat njän dudo djeut keu kuta Keuradjeuën, neulakap nän Banda Khalifah Istana Keurajeuën Islam Peureulak. Na sidro ureuëng hindia njäng meublo barang barang di peulabôhan Tandjông Pineuëng ngón Peulabuhan Kruët Linteuëng (Kruët Lintang), nän geuh toké Pattala njäng meu Agama Hindu, teuma dudo neutamóng Islam.
Saboh peuneugah Fersi (Tgk Alfian Jamuda ngón Tgk AB Lilawangsa) njäng peusjèch watèë njän nakeuh Sjèch Ismail, aneuk keumuën Sajjidina Usman ben Äffan Khalifah njäng keulhèë Sukèë Quréh (quraisy) Bani Ummajjah, nibak phôn masa tabi-ïn nakeuh masa zameun Chalifah (Sulaiman Bén Abdul Malék) Dinasti Bani Umajjah di Domaskus sunut (96-99H)-(674-677M) Meunurôt kalam Buja Hamka Sunut thôn 70H lam kitab pembendaharaan lama.
Fersi Teungku M.Jamil tjutjo njak muda ma-ë panglima prang lawan Beulanda wilajah Peureulak thôn 1921 nakeuh njäng peutamóng islam phôn u Peureulak nakeuh toké aziz atawa chalifah aziz- teuka di nanggro arab- masa Sajjidina Ali Khalifah njäng keupeuët.
Njö lôn saleuëk batjut hikajat ( keunarang) Teungku M. Jamil :
Keu toke Aziz djinoöë lôn rawi-
Ngón Saidina Ali geupeugah haba.
Saidina Ali jôhnjän Neutanjóng-
Pat tatjok barang taba u hindiya.
Di toké Aziz neuseu ôt ladju-
‚;okkDi nanggroë hindu lôn meuniaga.‘kkjj
l Atjihi agama hindu-
Sinan meu lulu pineung ngón lada.
Öh lôn tamóng ka lôn ba tungkang-
Pasoë barang ba u hindia.
Öh watèë lôndjak u Nannggroë hindu-
Trôh sigò minggu gohlom lôn gisa.
Lônprèh barang peunóh lam tungkang-
Lôn intat ridjang u Nanggroë hindia.
Ditanjóng pineung njan Peulabuhan-
Toké patala njäng po hareuta.
Kameusapat inóng ngón agam-
Kawan kawan Hindu ngón Budha.
Di ulôn lôn duëk sinän lam kawan-
Seudjarah Islam sinän lôn buka.
Ureuëng njäng deungó mandum teutjeungäng-
Sampoë larut malam hänä digisa.
Meunän geupeugah lé toké Aziz-
Saidina Ali geurahôb muka.
Saidina Ali ladju neupeugah-
Tadjak beubagah keudéh tagisa.
Gata lôn kirém utusan Allah-
Gata chalifah djeuladjah dônjä.
Meubèk tatakôt meubèk tagundah-
Nasidroë Allah njang djaga gata.
Agama Islam taba u Timu-
Agama hindu sinän pokuwasa.
Hindu ngón Budha supaja gadòh-
Islam njang djroh njäng sampôreunä.
Meunän geupeugah lé saidina Ali-
Di toké aziz geuseu ôt landja.
Kalôn teurimöng di ulôn tuwan
Keuseunambôngan Nabi Mulija.
Di toke aziz ladju lé geuwoë
U bak ajah droë seureuta poma.
Wahé e poma seureuta ajah
Ulôn kasusah didalam dônja.
Di ulôn djinöë geujuë hidjrah
Agama Allah geujuë peuraja.
U tandjông pineung Nanggroë Atjihi-
Rahmat geujubi keu hindu ngón budha.
Poma ngón ajah tuwan ngón bisan-
Kageukabulkan seugala gala.
Peurintah Ali tadjak beubagah-
Nasidroë Allah njang peulihara.
Di teungku Aziz geubeudòh reudjang-
Geudjaktjok tungkang u nanggroë hindia.
Keudéh u makkah tungkang geupuwoë-
Ladju geupasoë barang meuhareuga.
Thôn tudjôh plôh lhèë bak buleuën ra’djab-
Uroë aleuhat bak tanggai dua.
U Atjihi ladju beurangkat-
Ngón sahbat sahbat malém lagèna.
Teungku M Jamil njäng po keunärang-
Kutéb seudjarah njän lam kitab hindia.
Nanggroë Atjèh geutanjöë rasi-
Nanggroë Atjihi kheun ureuëng hindia.
Fersi M. Said Atjèh sepandjang abat ngón hikajat teungku M.Djamil rab saban peuneugah (Seunaleuk). Sunud thôn 73H deungón Buja hamka 70H ngón 96H(Tgk Alfian Jamuda ngón Tgk AB Lilawangsa) lom saban saban nan Chalifah Aziz ngón nachoda Bèhtra. Antara aneuk keumuën Saidina Usman ngón utusan Saidina Ali. Mungkén lam saboh rombongan atawa chalifah Aziz njäng ba ra-uëh rombangan Sjèch Ismail njäng peutamóng u nanggro Peureulak.
Dudo teuma teuka keulaji ureuëng chudjdja ngón Quraisj masa Chalifah (Harun al Rasjid) di Bagdad Dinasti Abasijah Chalifah njäng that meusjeuhu nakeuh kareuna malém lam meubago ëleumëë ngón tjeureudék sunut (170-193H). Lakap meulaju rombongan NACHODA CHALIFAH saban ngón seunalén M Arifin Amin BA kitab MONISA. Dalam rombongan-
Nachoda Khalifah na Sajjéd (Saidina) Ali Al Muktabar bén Saidina Muhammad Ad Bidai bén Saidina Jafar As Sadiq bén Muhammad Al Baqir bén Saidina Ali Muhammad Zainal Abidin bén Saidina Husen bén Saidina Ali bén Abi Thalib.
Saidina Ali Al Muktabar tinggai di Keuradjeuën Peureulak neumeubino deungón Tjut Putro Mahdum Tansjuri aneuk Radja Peureulak Pangeran Salman turônan ’’Kisra’’ Persia. lahé Saidina Abdul Aziz Sjah teuma dudo djeut keu Sulthan Islam phôn di Peureulak asia tunöng (Tenggara) deungón lakap Sajjidil Maulana Abdul Aziz Sjah, turôn teumurôn neumat Keuradjeuën Islam di Nanggro Peureulak.
(Limöng) 5 sunut teudòng Keuradjeuën Islam di Peureulak sunut 8M sampo sunut keu 13 M. Teuma lam masa njän keuh meuluwah Islam bansigom Pulo rudja asia tunöng ngón Asia timü di Tiongkok.
489 thôn teudòng Keuradjeuën Islam Peureulak teuma meufedrasi ngón Keuradjeuën Samudra Persia Pasè sunud keu 13 M masa sunud thôn (1293M) (Sulthan Malik Muhammad Al Zahir Bén Malikus Salèh ) aneuk Tjut Putro gang-gang Sari tjutjo Sulthan Muhammad Amin di Keuradjeuën Peureulak.
3 (lhèë) Sunud (Abat) teudóng Keuradjeuën Samudra Persia Pasè 327 thôn Abad keu 16M täklôk U Keuradjeuën (Dar As Salam) masa King Of King in Acheh (Sulthan Ali Mughajat Sjah) sunud thôn (1524M). Nibak masanjän (1521M) Keuradjeuën Persia Pasè ka di djadjah lé Pertugéh. 3 thôn djimat Keuradjeuën Persia Pasè lé Pertugéh teuma neu usé lé Sulthan Ali Mugayatsjah.
