ကျွန်တော် ဘယ်အရပ်ဒေသကိုများ ရောက်နေတာလဲ ၊ ဘာမှလည်း မမြင်ရဘူး ၊ အရာရာတိုင်းက တိတ်ဆိတ်ငြိမ်သက်လို့။မိတ်ဆွေအပေါင်းအသင်းလည်း ဘယ်သူမှ မတွေ့ဘူး ၊ တစ်ယောက်တည်း ။ကျွန်တော့လက်က တစ်စုံတစ်ရာကို ဆွဲကိုင်လိုက်တယ် ဘာမှန်းမသိတဲ့ အရာတစ်ခု။ထိုအရာကို အအေးဒဏ်ရဲ့ စွမ်းအားများကို ကာကွယ်ဖို့ ဆွဲလိုက်ခြင်းပါ။ထိုအရာဖြင့် ခန္ဓာကိုယ်ရဲ့ အထက်ပိုင်း လည်ပင်းနားထိ လွှမ်းခြုံထားလိုက်တယ်။ဒါပေမယ့်လည်း အအေးဒါဏ်ကို ခံစားရတုန်းဘဲ။
“ဟင် ဘယ်လိုများဖြစ်နေတာလဲ ၊ ဒီလောက်တောင် အေးနေတာ” ၊ နောက်ဆုံးတော့ တော်တော်အေးလာသလိုခံစားမိလာတယ်။စိတ်ကလည်း ငါဘယ်ကိုများ ရောက်သွားပါလိမ့်ဆိုတဲ့ စိတ်နဲ့အတူ မျက်လုံးဖွင့်ပြီး အားယူပြီး တစ်ချက်ပြန်ကြည့်လိုက်တဲ့အခါမှာတော့။လက်စသပ်တော့ ကျွန်တော်ဆွဲတင်လိုက်တာ စောင် ဖြစ်နေတာကိုး။
“ အော် ”
တော်ပါသေးရဲ့ ဘာမှ မဟုတ်လို့ဆောင်းရာသီရဲ့ အအေးဒါဏ်နဲ့အတူ အိပ်ယာပေါ်မှာ လူးလိမ့်ရင်း "အေးလိုက်တာ" စောင်ကို ခေါင်းမြီးခြုံတော့လည်း အအေးဒါဏ်ရဲ့လွှမ်းမိုးမှုကို ဖယ်ရှားနိုင်မှုလုံးဝမရှိတော့ပါ။တော်တော်အေးတဲ့ ဆောင်းရာသီဘဲ။စိတ်ထဲမှာတော့ ပျော်သွားတယ် ဘယ်အရပ်ဒေသကိုမှ ရောက်နေခြင်းမဟုတ်တဲ့အတွက်။
အစကတော့ အိပ်ချင်မူးတူးဖြင့် “ဘယ်အရပ်ဒေသကိုများ ရောက်သွားပါလိမ့်”ဆိုပြီး လန့်နေတာ။အိပ်ယာကလည်း မထချင် အေးအေးနဲ့ ထပ်ကွေးနေချင်မိတယ်။ဒါပေမယ့် မနက်လည်းလင်းခါနီးပြီဆိုတော့ အိပ်ရေးကလည်း ၀နေပြီနဲ့တူပါတယ်။အိပ်လို့မရတော့ပါ ဒါနဲ့ စဉ်းစားခန်းတွေ စတင်ဝင်ရောက်လှုပ်ရှားပါတော့တယ်။စိတ်တွေကတော့ ဟိုကိုရောက်လိုက် ၊ ဒီကိုပြန်လာလိုက်ပေါ့။ဘာတွေကို စဉ်းစားမှန်းတောင် မသိဘူး တစ်ခါ တစ်လေ ပျော်နေသလို ၊ ဟောအခုတော့ တစ်ခုခုကို စိုးရိမ်သလိုလို။အဲအချိန်မှာဘဲ "အောက် အီး အီး အွတ်” ဆိုပြီး အရပ်ရှစ်မျက်နှာက သဘာဝနှိုးစက်သံတွေ ကြားနေရပါတော့တယ်။တစ်ချို့ အသံက အနီးကမို့ ကြည်လင်တယ် ၊ တစ်ချို့အသံက အဝေးကမို့ သဲ့သဲ့လေးရယ်။နှိုးစက်သံတွေနဲ့အတူ အိပ်ယာထဲက ပျင်းစိတ်တွေကို မောင်းထုတ်ရင်း ကျွန်တော်နိုးထလာခဲ့ပါသည်။အိပ်ခန်းတံခါးဖွင့်ပြီး အပြင်ကိုထွက်လာလိုက်တယ်။မျက်နှာသစ်ပြီး သွားတိုက်ဖို့ရန် ပြင်ဆင်နေတုန်း အပြင်ကို ကြည့်လိုက်တော့ မှောင်မဲနေဆဲ။အပြင်မှာလည်း နှင်းတွေကျလို့။သစ်ပင်ပေါ်က နှင်းစက်တွေကလည်း တဖြုတ်ဖြုတ်ကြွေလို့။အဲဒါတွေကြည့်ပြီး သွားတိုက်ရင်း ထပ်မံစဉ်းစားခန်းတွေ ၀င်ပြန်တယ်။ငါ့ဘ၀အတွက် ငါဘာလုပ်ရင်ကောင်းမလဲ ၊ ဘယ်လိုလုပ်ရင်တော့ ဘယ်လိုအဆင်ပြေနိုင်မယ်။ဘယ်သူတွေနဲ့တော့ စကားများနိုင်တယ်။ဘယ်သူတွေက ငါ့ကို ဘာပြောမှာလဲ။ငါအောင်မြင်လာရင်ကော ငါ့မိသားစုကို ဘယ်လိုထောက်ပံ့မယ်။ငါ့ပတ်ဝန်းကျင်က လူတွေကို ဘယ်လိုကူညီမယ်။ဘယ်သူတွေကတော့ ငါ့ကို မကြည်ဘူး။ငါ့အတင်းကို ငါ့နောက်ကွယ်ရာမှာပြောကြတယ်။သူတို့ကိုတော့ ငါမကူညီဘူး ၊ သူတို့ကို ကူညီလို့ကော ငါဘာထူးမှာလဲ။အော် မဟုတ်သေးပါဘူး။လူတွေမကောင်းလဲ ငါကောင်းရမယ်။ငါ့စေတနာငါ့ကို အကျိုးပေးလိမ့်မယ်။အင်း အကျိုးပေးတာတော့ ဟုတ်ပါပြီ။ငါက အရာရာကို ခွင့်လွှတ်ရအောင် ငါက ကိလေသာတဏှာကင်းစင်နေတဲ့ သူတော်ကောင်းမှ မဟုတ်တာ။ငါခွင့်လွှတ်နေလဲ သူတို့ငါ့ကို မကောင်းပြောမှာဘဲ။အော်ဘာဘဲပြောပြော ငါလူသားတွေကို ကူညီတာကောင်းပါတယ်။ငါသူတို့ဆီက ဘာမှမမျှော်လင့်ဘဲ ကူညီတာက အကောင်းဆုံးဖြစ်မှာပါ။ငါလိုချင်တာတစ်ခုတော့ရှိတယ် ၊ ငါကူညီလိုက်သလို သူတို့လည်း တစ်ခြားသူတွေကို ပြန်ကူညီရင် သိပ်ကောင်းမှာဘဲ။အဲလိုဆိုရင် ကမ္ဘာကြီးတစ်ခုလုံး တော်တော် အေးချမ်းသွားလိမ့်မယ်။ အစရှိသဖြင့် အမျိုးမျိုးအဖုံဖုံ စဉ်းစားပြီး သွားတိုက်ခြင်းကိုအဆုံးသတ်လိုက်တယ်။မျက်နှာသစ်ပြီး အိမ်ခန်းထဲသို့ ၀င်ရောက်ကာ အ၀တ်အစားများလှဲလိုက်တယ်။အ၀တ်အစားလှဲပြီး ဘုရားရှိခိုး ၊ သတ္တ၀ါအားလုံးကျန်းမာဖို့ မေတ္တာပို့ခြင်းများ ဆောင်ရွက်လိုက်တယ်။ဘုရားရှိခိုးပြီး အ၀တ်အစားလုံလုံခြုံခြုံဝတ်ကာ ကျန်းမာရေးအတွက် လေ့ကျင့်ခန်းလုပ်ရန် အိမ်အပြင်ထွက်ပြီး လမ်းလျှောက်ထွက်လာခဲ့တယ်။
မနက် ၆ နာရီလောက်ဖြစ်နေပြီဆိုတော့ အိမ်ရှေ့လမ်းမပေါ်ထွက်လိုက်တော့ လမ်းမီးတိုင်များ၏ အလင်းရောင်ကြောင့် ပတ်ဝန်းကျင်ကိုတော့ မြင်နိုင်တဲ့ အနေအထားရောက်နေပြီပေါ့။လမ်းလျှောက်ပြီးထွက်လာလိုက်တာ နှင်းငွေ့လေးများက မျက်နှာကို ၀င်ရောက်ထိမှန်ကြပြန်တယ်။ “ အော် အေးလိုက်တာ” ၊ အိမ်ပြန်ရင်များကောင်းမလား ၊ ဘာလို့ပြန်မှာလဲ လေ့ကျင့်ခန်းအတွက်ထွက်လာတာဘဲ။ဒီလိုဘဲပြန်လည် အားတင်းရင်း ဆက်လျှောက်လာခဲ့တယ်။နှင်းတွေဝေနေတဲ့ မြင်ကွင်းအောက်မှ ခွေးကလေးများက ထဟောင်ပြန်တယ်။ “ အော် ဒီခွေးတွေ လာဟောင်နေတယ် ၊ အေးဆေးအိပ်ကြပါကွာ” ဆိုပြီး မောင်းထုတ်လိုက်တော့ သူတို့လည်း လမ်းရဲ့ တခြားဘက်ခြမ်းသို့ ကူးသွားကာ အပင်အောက်တွင် ပြန်လည် အိပ်နေကြတော့တယ်။အင်း သူတို့လည်း တော်တော်ချမ်းမှာဘဲ မြေကြီးကဒီလောက်အေးတာကို၊ သူတို့ရဲ့ ဘ၀ပေးကုသိုလ်ကံဆိုတော့လည်း သနားဖို့တော့ ကောင်းသား။ကျွန်တော်လည်း ဆက်လျှောက်လာရင်း တွေးမိတွေးရာ တွေးလာခဲ့ပါတော့တယ်။ကျွန်တော်က တဖြည်းဖြည်းလျှောက်လာခဲ့ရာ ပင်လယ်ကမ်းစပ်အနီးသို့ ရောက်လာခဲ့ပါတော့တယ်။ပင်လယ်ကမ်းခြေနားရောက်တော့ လေတွေကလည်း တိုက်လို့ ၊ လေတိုက်သံတွေနဲ့အတူ ပင်လယ်ကမ်းစပ်က လှိုင်းပုတ်သံတွေကလည်း တ၀ုန်း တ၀ုန်း။ပင်လယ်ကမ်းခြေက သဲသောင်ပြင်ပေါ်ခြေချလိုက်တော့ အိခနဲ အိခနဲ။သဲသောင်ပြင်ကနေ ကမ်းစပ်ဆီသို့ဆင်းလာခဲ့ပြီး ကမ်းခြေတစ်လျှောက် လမ်းလျှောက်လာခဲ့တယ်။
ကမ်းခြေမှာလည်း လူအများကြီး ၊ သူ့အုပ်စုနဲ့တူ တစ်ချို့ကလည်း အန်တီကြီးများအုပ်စု ၊ တစ်ချို့ကလည်း အန်ကယ်ကြီးတွေ ၊ တစ်ယောက်ချင်းလာတဲ့ သူတွေလည်းရှိတာပေါ့။အရွယ်ပေါင်းစုံပါဘဲ ပင်လယ်နားမှာ လမ်းလျှောက်သူတွေက လျှောက် ၊ ပြေးတဲ့သူတွေကပြေး။ကျွန်တော်ကတော့ တစ်ယောက်တည်း လမ်းလျှောက်ထွက်လာခဲ့တာပေါ့။
ဟော ပြေးလာနေတဲ့ အရိပ်တစ်ခု ၊ လှုပ်လှုပ် လှုပ်လှုပ်နဲ့ ။ “ဟိုး တော်တော်ဝတဲ့ အစ်ကိုကြီးဘဲ” အော် သူ့ခန္ဓာကိုယ်ကြီးနဲ့ ပြေးနေလိုက်တာ တော်တော်ပင်ပန်းမှာဘဲ ၊ သူ့အလေးချိန်ကလည်း နည်းတာမဟုတ် ၊ ကျွန်တော်ထပ်တွေးမိပြန်ပါတယ်။ဒီအစ်မကြီးလို ငါလည်းဝလာခဲ့ရင် ၊ အမယ်လေး ကြောက်လိုက်တာ သူ့လိုဝသွားရင် ငါဘာလုပ်နိုင်တော့မလဲ ၊ ဘုရား ဘုရား သူ့လိုတာ့ မဝပါရလို၏ ဘုရား။
သူ့ကိုကြည့်တာနဲ့တင် တော်တော်ပင်ပန်းနေပြီ။ငါသူ့လိုဝလို့ မဖြစ်သေးဘူး။ငါဘာမှ မလုပ်နိုင်မကိုင်နိုင်ဖြစ်သွားမယ် စိတ်ဆင်းရဲလိုက်တာ။ဟင် ဘာတွေစဉ်းစားနေတာပါလိမ့် သူတောင်မှ ဟိုမှာပြေးနေတာဘဲ ၊ သူလည်း သူတတ်နိုင်တာတွေကို ကြိုးစားပြီးလုပ်ကိုင်မှာပေါ့ လေးစားလောက်ပါတယ်ဗျာ။ကျွန်တော်လည်း ဆက်လျှောက်လာခဲ့ရာ နောက်တစ်နေရာမှာတော့ လူငယ်လေးတစ်ယောက် ကျွန်တော့ဘေးက ဖြတ်ပြေးသွားတာတွေ့လိုက်ရတယ်။ဟယ် ဒီကောင်လေး တော်တော်ပြေးနိုင်တာဘဲ။လေ့ကျင့်ခန်းလည်းတော်တော်လိုက်စားပုံရတယ်။သူ့ရဲ့ခန္ဓာကိုယ်အချိုးအစား အရပ်အမောင်း ယောက်ျားချင်းတောင် အားကျမိတဲ့ ကိုယ်တော်ချောဘဲ။
ငါလည်းသူ့လိုမျိုး ရုပ်ရည်သွင်ပြင် အရပ်အမောင်းရှိရင် သိပ်ကောင်းမှာဘဲ။အော် ဒါလည်း သူ့ရဲ့ရှေးဘ၀ ကုသိုလ်တွေပေါ့။ငါ့မှာလည်း ငါ့ကုသိုလ်နဲ့ငါ ရှိသင့်သလောက်နဲ့ ကျေနပ်ပေါ့ ဘာလို့ ပေါက်ကရတွေတွေးနေပါလိမ့်။ရှိတာလေးနဲ့ ရောင့်ရဲရမှာပေါ့။ထားလိုက်ပါတော့လေ ငါလမ်းထပ်လျှောက်ဦးမယ်ဆိုပြီး ဆက်လျှောက်ပြန်တယ်။ဟော ဦးလေးကြီးတစ်ယောက် မလှုပ်ချင်လှုပ်ချင်ဖြင့် ဖြေးဖြေးလေး ကိုယ်လက်လှုပ်ရှားအားကစားများပြုလုပ်နေသည်မှာ ကြည့်ရတာတစ်မျိုးဘဲ။ဦးလေးကြီးကလည်း လုပ်လည်းမလုပ်တတ်ဘဲ ၊ ဘာတွေလုပ်နေမှန်းလည်းမသိ ၊ နည်းနည်းလေး သွက်သွက်လက်လက်လုပ်မှ အဆင်ပြေမှာပေါ့။အခုတော့ သူလုပ်နေတာက ပျင်းစရာကြီး။လက်တွေဆန့်နေတာကလည်း ဖြည်းဖြည်းချင်း ၊ ခြေတွေဆန့် ကွေးကုပ်လုပ်နေတာကလည်း အားမရလိုက်တာ။
အော် သူ့အသက်အရွယ်နဲ့ ဒီလောက်တော့ရှိမှာပေါ့။ဒီလောက် ဇွဲရှိရှိနဲ့ ကျန်းမာရေးလိုက်စားတာကိုက အားကျအတုယူစရာ။တော်လိုက်တာဦးလေးရာ လုံးဝမောပန်းတဲ့ အမူအယာမပြဘဲ အေးဆေးလုပ်နေတာ။ကျွန်တော်သာ ဦးလေးအရွယ်ဆိုလုပ်နိုင်ပါမလား ၊ အော် လူတွေကအမျိုးမျိုးအဖုံဖုံပါလားနော်။လူ့လောက တော်တော်ဆန်းကျယ်ပါလားနော်။ကျွန်တော်လည်း ရောက်မိရာရောက်ရာတွေးရင်း လမ်းဆက်လျှောက်နေပါတော့တယ်။အချိန်နည်းနည်းကြာလျှောက်ပြီးနောက် ကျွန်တော်လည်း ကျွန်တော်လုပ်တတ်သလောက် အကြောဖျော့ခြင်းများပြုလုပ်ပြီး အိမ်ကို ပြန်လာခဲ့ပါတော့တယ်။ပြန်လာရာ လမ်းတစ်လျှောက်လုံးတွင်လည်း အတွေးများစွာကို တွေးရင်း စိတ်ရဲ့သွားရာနောက်ကို လိုက်ပါနေရသလို ဒီလိုအတွေးများစွာထဲက ရုန်းထွက်လိုက်ပြီး Steemit မှ မိတ်ဆွေများအားလုံး ကိုယ်စိတ်နှစ်ဖြာ ကျန်းမာချမ်းသာကြပါစေလို့ ဆန္ဒတစ်ခုပြုလိုက်ပါတယ်။
ဖတ်ရှုသူများအားလုံးကို အစဉ်ကျေးဇူးတင်လျှက်
Photos Images; #Credit Google
