"Payak"

Sino ba naman ang ayaw sa buhay na simple lang?
Yung walang iniindang matinding kakulangan.
Yung tipong mabubuhay ka lang kahit ang sarili mo lang ang maaasahan

Payak na buhay ang gusto ng mundo
Dahil gusto niyang manatili tayo ng matagal sa kanyang palasyo
Lugar na malaya ang mga tao at bagay
na walang puwersa sa kawalan ang makapaghihiwalay.

Buhay ng tao ay mabilis mag-iba
Minsan nga lang nakatikim ng ginhawa ay naging sakim na
Tinataas ang antas ng pamumuhay kahit hindi kaya
Ayan tuloy, sa bandang huli nagiging kaawa-awa

Hindi pa diyan nagtatapos,
dahil kung minsa puro ka na lang reklamo at ayaw makontento
Bakit di gawing inspirasyon ang mga tao kapos,
Na namumuhay ng walang wala, ngunit hindi naghihikahos.

Hindi ko sinasabing maging pobre ka at kaawa-awa
Bagkos maging payak lang kahit marami ka ng biyaya
At wag kalimutang magpasalamat dahil dito
At lalong wag maging sakim sa ibang tao.

Naway nagustuhan niyo ang aking gawang tula. Subaybayan pa ang mga kapanapanabik na mga gawa na dito lang sa steemit mailalathala. Maraming Salamat!

Previous Filipino Poetry