Puso ko’y kinikilig
Sa nadaramang lihim na pag-ibig
Kahit saan man magpunta
Ikaw lamang ang iniisip sinta

Sa Araw at gabi na dumaan
Puso’t isipa’y sa’yo lamang nakalaan
Sana’y nadarama mo din
Sa’yong pagmamahal handa akong magpaalipin

Sa pagtulog laging dinadasal
Na sana bukas hindi mauutal
Pag ika’y nakaharap at nakakausap
Isipan ko’y napupuno ng pangarap

Sa aking paggising
Nanabik masilayan mukha mong nagniningning
Hindi maiwasan na ikaw ay titigan
Sana balang araw ako din ay ‘yong maibigan

Ngunit ng aking nalaman
Iba pala ang iyong napupusuan
Mundo ko’y para bang gumuho
Mga pangarap biglang naglaho

Kaya pag ibig na para sa’yo
Ay akin na lamang itatago
Basta makita kitang masaya
Mananatiling lihim ang lahat ng nadarama.