"Ako'y Pinagkaitan"

Bulag ako
Ipinanganak akong bulag sa mundo
Pero hindi ito hadlang upang ako'y matuto
Alam ko ang kulay sa paligid ko
Alam ko ang kulay ng mga tao
Hindi ko man makita ang kagandahan ng kalikasan,
Alam ko na ito ay luntian dahil nababatid ko ang kapayapaan.
Hindi ko man makita ang sinag ng araw,
Alam kong ito ay dilaw dahil sa mainit nitong ilaw.
Hindi ko man makita ang malawak na karagatan
Alam kong bughaw ito dahil sa lamig na nararamdaman.
Hindi ko man makita ang alab ng apoy,
Alam kong ito ay pula dahil ankin nitong katapangan.

Oo bulag ako
Madilim ang paligid na aking nakikita
Pero may liwanag akong natatanaw
Liwanag na hindi matutumbasan ng kahit anuman- kabutihan.

source

Pepe at bingi ako
Ipinanganak akong pepe at bingi sa mundo
Pero di ito naging hadlang para maihayag ko ang gusto ko
At makinig at malaman ang opinyon ng ibang tao.

Iisang boses lang ang kaya kong mailabas
Pero yung kamay ko ang tulay upang iba'y makausap
Kahit anung sigaw mo ay di ko marinig
Pero nakikita ko sa mukha mong maligalig ang gusto mong ipahiwatig

source

Lumpo ako
Takaw sa pangungutya at panghuhusga ng ibang tao
Pinagtatawanan dahil naiiba kung maglakad
Inaapi dahil hindi naman kayang mang-api ng iba

Lumpo man sa pisikal, di naman matitibag ang tibay
Tatag ng puso ang pinapakita
Nagbibigay ng inspirasyon sa iba na pinagpala
Inutil kung tignan ng iilan
walang humpay ang pangungutya ng karamihan
Subalit ganyan man ang nararanasan
handang magtiis para sa ninanais

source

Akoy pinagkaitan
Hindi ako bulag, lumpo, pepe o bingi
ngunit akoy pinagkaitan
Ninakawan ng kapayapan, kaligayahan at tiwala sa sarili.

Kapayapaan na sanay tinatamasa,
kaligayahan na tunay na sanay nararamdaman
at ang tiwala sa sarili na dapat hindi nananakaw ninuman.

Pinagkaitan man ako sa mundo ito
di magiiba ang paniniwala ko
Na tayong lahat ay hindi perpekto
at tayong lahat ay pantay-pantay sa mata ng Diyos ko.