Asai Gamba: https://vladimirribakov.com/invest-cryptocurrency-join-blockchain-craze/
Seupotnyo Tuwanku Raja nak peuturi pu nyan Cryptocurrency ukeu rakyat lon mandum. Nak gata-gata meuphom pu meulatang nyan, bek sampe gop peugah kripto, di geutanyo pih kripto. To nyo to jeh, pu to, hom. Sabab nyan keuh peurle Tuwanku peutrang nak careng rakyat steemitnyo. Ileume nyo peunteng neuteupu sabab di steemitnyo gata mandum dibayeu ngon kripto, kon ngon peng keurtah atawa beuso lage yang kaneupakek lawesnyo.
Meunyo bahsa paneuk jih, kripto nyan nakeuh saboh model peng masa ukeu. Enteuk ukeu, meupadup thon teuk mungken, nyan peng keurtah ngon peng beuso nyan hanale dipakek di donya nyo, mandum akan meganto ngon kripto. Makajih harus neupeupham beugot pu nyan kripto.
Asai gamba: https://themerkle.com/the-2018-year-of-cryptocurrency-challenge-week-2/
Sampoe an uronyo kripto ka meusyeuhu ban si gom donya, ka mulai dituri le ureung. Maka digata pih beuneuturi sit pu kripto nyan. Jino di lua nanggroe perusahan-perusahaan rayeuk dan kanto-kanto ka mulai dipakek kripto keu alat beunayeu, di geutanyo meu kripto golom meuphom.
Bitcoin nakeuh kripto yang paleng phon ditume, nyan menurut Tuwanku Raja deungo. Enteuk meunyo salah haba Tuwanku jeut gata peuingat, nak bek salah lom ukeu. Bitcoin nyan awai jih dipeuget ditume le Satoshi Nakamoto bak kira-kira thon 2008. Bicoin nyan nekeuh peng elektronik, dijih hanjeut tajak mat lage peng keureutah atawa beuso. Teuman adak meunan peng nyan na adakpih hanjeut tapaso lam balum. Hayeu jih peng kripto nyan hana di kontrol le sidro ureung atawa nanggro atawa beng. Meunyo kheun awaknyo desentralisasi. Nyan meunan trok riwayat bak Tuwanku.
Yang leubeh peunteng neuteupu peng kripto nyo nakeuh dinak peu pisah kontrol yum peng dari nanggro atawa keurajeun. Jadi masalah peng hana le dijak urosan dan veto le awaknyan. Hayeu lom peng kripto nyo jeut neukirem ho yang galak neuh asa na akun. Menyoe jameun neujak kirem peng u Malaya nyan keunong eungkoh atawa trep ditameng lam rekening, tapi peng kripto nyo lam siklep siklap ka meutipek ho yang neukirem. Untuk neujak kirem pih hana payah neujak u beng atawa ATM, sep ngon hp manteng kajeut.
Leubeh gawat lom, meunyo gata nak berangkat u Mamarika Syarikat, gata hanapayah le jak ba peng lam balum atawa lam taih. Geuhon manteng. Gata sep neuba hp sagai kameumada. Yang bek tuwe paswod manteng, meunyo tuwe kameuramah, hana so jeut bantu.
Asai gamba: https://www.influencive.com/top-blockchain-cryptocurrency-experts-follow-2017/
Na lom yang hayeu daripada kripto nyo. Meunyo baroken tanyo jak u Malaya, payah tuka peng ngon ringget, enteuk bak saboh masa ngon kriptonyo hanapayah le lagunyan, sabab kripto nyan kon peng saboh-saboh nanggroe, tapi man saboh nanggroe jeut taba dan lagoet, jeut blo kupi, pupok, ubat jamok, pu-pu yang galak.
Eh nan dile ileume bacut Tuwanku Raja peugah ke gata mandum. Gata-gata yang na lam nanggro steemit peunteng neumeuruno peukara kripto nyo meubacut sapo.
Kajeut dile, nyo Tuwanku kaditalipun lom le si Ned. Padahai kalheuh tapeugah bek talipun siat-at. Batat!