ကျောက်စိမ်းမှော်မှကံတရား
နေ့လည်မုန့်စားတဖြတ်နားပြီးညနေမမှောင်ခင် ဈေးတန်းဖက်မှ ဖိုးရမယ် ဘိန်းရမယ် ခပ်ပုံရမယ်ဟု အော်ရောင်းနေတဲ့အသံလည်းနေ့စဉ်ဓူဝကြားနေရပါသည်။ အဲဒီအော်သံသည် ကျွန်တော်တို့အတွက်ကတော့ကျင်းသိမ်းရန်အချက်ပေးသော ဘုန်းကြီးကျောင်းကအုံးမောင်းသံ ကဲ့သို့ဖြစ်နေလေသည်၊ အဘယ့်ကြောင့်ဆိုသော် အဲ့ဒီအော်သံကြားကျင်းသိမ်း ညအိပ်တဲဆီပြန် တဲရောက် မိုးချုပ်ကွက်တိ ဖြစ်နေလေသည်။ ကျွန်တော်တို့အထဲတွင် ကျင်းလဲမတူးဘဲ ကျွန်တော်တို့နဲ့လာပြီးနေသောလူငယ်တယောက်ရှိပါသေးသည်။ သူကကျွန်တော်တို့ကျင်းခေါင်းရဲ့သူငယ်ချင်း နာဂစပ်လူငယ်တယောက်ဖြစ်လေသည်။ သူ့ကိုကျွန်တော်တို့က မှော်ကောက်ရိုးဟုခေါ်လေသည်။ သူသည် ကျွန်တော်တို့ဆီကိုလာတော့ အသားဗူးလေး လေးငါးဗူးနှင့် ဆန်လေးနှစ်ပြီလောက်ပါလာခဲ့လေသည်။ ကျွန်တော်တို့အဖွဲ့ထဲမှာအတူရောပြီးစားသောက်လေသည်
။ အဲ့တာ့ကြောင့်ကျွန်တော်တို့က ဟေ့ကောက်ရိုး မင့်ရိက္ခာက တနှစ်လောက်စားလည်းမကုန်လောက်ဖူးနော်ဟုစကြနောက်ကြလေသည်။ သူသည်မခံပြင်းတပ်သဖြင့်စလို့နောက်လို့ကောင်းလေသည်။ တခုတော့ကောင်းသည်။ မှော်ထဲမှာရှိသောလောပန်းတွေအကြောင်းအကုန်သိသည်။ မှော်ထဲမှာရှိသော ဖိုးသမားတွေအကြောင်း အကုန်သိသည် ထိုကြောင့်ကိုယ်မသိတဲ့အရာဆိုသူ့မေးလိုက်အကုန်သိသည်။ မနက်ထမင်းကြော်စားပြီးတနေကုန်မှော်ထဲလည်ပြီးကျောက်ရှာနေတာဆိုတော့အကုန်သိသည်။ လူတယောက်ရဲ့ကံဇာတာသည်ပြောမရဘူးဆိုသည်မှာတကယ်မှန်လေသည်။ အဲ့လို့နေစဉ် ကျင်းမတူးဘဲ အလုပ်မရှိလျှောက်လည်တဲ့လူတယောက်တရက်မှာတော့ သူတဲကိုပြန်လာမအိပ်တော့ တရက်တော့ ဖာသိဖာသာ သိပ်ပြီးအလေးမထားမိပေ၊နှစ်ရက်သုံးရက်လည်းပြန်မလာတော့ ဘယ်များဘာဖြစ်နေလဲမသိဟုအတွေးဝင်ကြလေ၏
ကျောက်ဖြတ်ခုံဖက်စုံစမ်းလိုက်တော့ ဟာ ခင်ဗျားတို့မသိဘူးလား ဒီကောင်ကျောက်ရသွားတယ်ဗျာ့ တန်ကြေးမနည်းဘူး သိန်းဆယ်ဂဏန်းဗျာ့ ခုဆိုခန္တီးမှာနှပ်နေလောက်ပြီတဲ့။ အဲ့ဒီခေတ်က ရွှေတကျပ်သားမှ မှတ်မှတ်ရရ သောင်းရှစ်ထောင်ခန့်သာရှိလေသဖြင့် တန်ကြေးသိန်းဆယ်ကဏန်းဆိုမနည်းပေ။ သူသည် ကျွန်တော်တို့အဖွဲ့ကိုအသိမပေးဘဲ ပြန်သွားခြင်းကို နားလည်းပေးလို့ရပါသည်။ အဘယ့်ကြောင့်ဆိုသော် မှော်ထဲတွင် တန်ကြေးကြီးကျောက်ရလျှင် ဘယ်သူ့ အသိမပးဘဲ ချက်ခြင်းမြို့ပေါ်ကိုအပြေးပြန်ကြလေသည်။ တရားဥပဒေစိုးမိုးမှူမရှိသောနေရာမှာအန္တရယ်ရှိသောကြောင့်ဖြစ်လေသည်။
