Saleum'alaikom lon buka phoen, long neuk peusambong haba syedara
Bah steemit jinoe lon peu phoen, mangat ta rawoen puta calitra.
Lhokseumwe teuka steemit phoen, meunan geuhimpon saboh calitra
Awai dilei meunan riwayat phoen, lheuh njan jirawoen ban saboh Indonesia
Jinoe Steemit ka meusyehu, Na yang ka maju leu that belanja
Na yang mantong baro hana mupat geu, baro ji tupu steemit kana
Na yang ka hayeu na yang mumang, na yang ka senang upvote pih kana
peugoet tulisan mangat na so kaleung, rupajih tan ureung yang bi suara.
Teuma jinoe ka ta meuen steemit, na yang goet niet na yang hana
Teuma ladoem mita keu aneuk miet, na yang keumiet siuroe masa
Mita belanja jinoe bak steemit, na yang diet dan na yang hana
Macam cara na lam steemit, han ek teumuleh mita roet gamba
Meunyoe masalah tiep uroe Tuhan,saket di badan nyang tanyoe rasa
Soe keuh yang salah bukon jawaban, tapi harapan saleng setia
Keupeu guna ie di dalam cawan, meunye rakan tanyoe puasa
beuna tajaga di perasaan, bek teupeh ngoen lam dunia maya
Perasaan rindu pih ka lage jalan, di angka lapan meuputa puta
Keupeu talayu tapakat muprang, meunye oh lheuh nyan hana taguna
Laksana pinto kunci jih katan, rame trok keunan meuheut jak buka
Tajaga jalo seugolom karam, Meuhan mandum lham ie ka meubura
Aceh reudok indonesia mendung kajitoh ujeun sang jeut ieraya
Nyo teuka banjer sayang that ureung, Hana jituhoe Plueng Jiek ie raya
Asai dilei phoen Aceh bi ruweung, lheuh njan ta baplung indonesia raya
Tempat lahee han lei gata tueng, ta teim kaleung peu putoeh taloe syedara
Tega that hate dimandum ureung tan le meubayeung tan na lei rasa,
Timoh bak kaye laju meucabeung bak keufon cadueng boh ube raya
Meulumpah male wate ta bileung goeb han jikheun jikheim Bei raya
Digeutanyoe gadoeh jungkat keung, marwah ka kureung malei tan lei na
Meunan keuh steemit wahee dum ureung, macam peukateun sinan di teuka
Macam pikiran leumah bak ureung, na yang jungkat keung mita perkara
Di geutanyoe Aceh Meutaloe wareeh, Gaseh Meugaseh Bila meu bila
Teuma Jinoe ka kureung gaseh, abeh ji peu abeh but awak luwa
Rata Bah Steemit bak keude kupi, meugah dibi hinan na belanja
Ladoem ngoen rame peutheun gengsi, mita sensasi bak awak luwa
Mangat jikheun gata berani, sang sang seperti Gata Che Guevara
Meunan keuh steemit hana ban sakri, so yang meuturi nyan keuh nyan yang jaya.
Wassalam...
Saleum
