Buet reupang trieng meugulam pacok
Jak Peh ie jok meu antok nira
Buet meulaku geurubak geurubok
Oh Wate teurhok kajeut keu tuba
Jak peh beuruden na ie saboh plok
Jak peh tangke jok ie saboh tima
Ureung yg paloe akai peulandok
Ureung yg mabok akai binasa
Ehem ehem yg teurhok teurhok
Khok batok batok peumeuphom makna
Nariet yg mameh ka meuseurubok
Keuno ku tawok keudeh ka gisa
Meuganong sane meugah asoe lhok
Meuganong bujok ka meugah paya
Nariet bahasa ban madu lam plok
Akai meukurok tingkah meuputa
Pasoe kupiah dlm tangkulok
Pasoe ie mabok di dlm kaca
Wate kutingkue ka ek ateuh kok
Akai cukop brok nusyut umpama