bungong meulu puteh wareuna
nyang ka pasti mirah syit boh saga
watee ta baca nazam kakanda
teukhem teuh sidrou teudong ie mata

bungoeng seulanga ceudah di cong bak
harom bee bungong watee angen ba
ji pho reuóh hatee meu bhak bhak
loen baca surah hie nazam dari kakanda

ta jak u peunayong ta ek becak
han tuwoe ta piyoh bak warong purnama
meunyou kakanda haba teupat sikrak
jak aju neu lakee bak ayah ngen poma

riyeuk ji poh kareung su meubura
ji kilat geulanteu teukeujot hamba
kon hana loen meuphom perasaan gata
teungoh loen pikee peukara sikula

taman sari nyang ceudah sideh lam kota
na gunongan bak putrou manoe meu upa
meu'ah kakanda beu na neu saba
neu preih loen tuwan jeut keu sarjana