'Alaikom salam saleuem lon balah
Geunantoe lidah haba lon kirem
Geunantoe peudeueng nyang tan meu asah
Bah keuh lon balah ngon bayeuen ticem

Meu kru semangat seutui keudangdi
Tan soe peurati duroh bak tanoh
Sayang ulon jioh di idi
Meuhan jeut lon bri jurus peurunyoh

Peudeueng neu asah hai beu tajam-tajam
Beu lagee nazam amarah lam hatee
Saweub di ulon han meusyen keu gundam
Peu tumpoi tajam chit hana lut lee

Ta pula pade teuntee dalam blang
Ta pula kacang bak gaki buket
Baro mat peudeueng narit ka lancang
Lagee si garang meu 'en cangceubet

Lon tuwan leumoh daya pih hana
Chit tan meuguna bak buet keulahi
Nyan na lon ba chit ngon lungkop donya
Kon haba meukra aci neu uji

Keunaleung bara ngon peukong binteh
Keunaleung gateh ngon pinah mara
Keunaleung peudeueng lidah meutangkeh
Keunaleung beungeh jak ta meugura

Wahee e aduen bang fauzan siblah
Peudeueng neu keubah keu malam jumat
Neumat lah hp panton neu balah
Bek le neupeugah gohlom di sunat