Dua insan yang hanjeut tapeupisah
Kaoi cinta
Alah hy mak neuwot doidoi
Serta ngon bhoi neujak mita
Dalam hate cukob rihoi
Sang sang kaoi dalam dada
Katroh masa alah mak eoi
Peulheuh kaoi laju sigra
Nyoe han tapeulheuh saboh kaoi
Takot rihoi jeut keu dosa
Wajeb peulheuh meunyoe kaoi
Dak ubee dhoi dalam dada
Seunang hate kalheuh kaoi
Hana rihoi dalam dada
Saboh kameng hanseb mak oi
Peulheuh kaoi saboh unta
Meunyoe ka lheuh peulheuh kaoi
Seunang that long lage raya
Pat ranup yang hana merah
pat peuneurah yang hana bajou
pat teuto yang hana salah
Hana bak awai tentei nak bak dudou