Syair Meurumpok Rakan
Apa Suman Tôt Pulôt
Alhamdulillah Allah tapujoe
Bek tuwo tanyoe sebagoe hamba
Ngon rahmat Allah indah han bagoe
Bak puasa nyoe meurumpok Apa
Apa Seuman Toet Puloet bak seupôt baroe
Geubel ulôn nyoe katrôh ubanda
Lôn cukôp seunang rijang Ju meuproe,
Eunteuk geutanyoe meurumpok dua
'Oh lheuh teurawèh jadèh dikamoe
Meurumpok kamoe dua saboh meja
Gob nyan ngon rakan teman gampông droe
Teuma di lon nyoe cit sidroe saja
Bak wali kupi meucakri kamoe
Trôh bhah pot unoe ngon bhah budaya
Habéh celitra cakra meubagoe
teuma oh dudoe ngon lon pih teuka
Dari paya bakong apa tron keunoe
Jak bak ie unoe ukota madia
Madu aseuli geujak cok keudroe
Sampé keulôn nyoe kageuyue rasa
Saboh glah lôn jèb sép mangat asoë
Memang ie unoe ubat peunawa
Meurumpok siblét sang trép dikamoe,
Meumacam bagoe teubiet calitra,
Nyan rakan fb tari han bagoe
Cuma nan geuh nyoe sang ureung tuha,
Gob nyan pih jago meu atô rampoe
Kayém bak lon nyoe geukirem sastra
Bak Acèh tv lon syahi rampoe
Meumacam bagoe karangan Apa
Oh jula malam meurantam kamoe
Teuma oh dudoe habéh cerita
Apa lam peuneurut lanjut geujak woe
Bak syédara droe inan seunia
Ulôn blang bintang kuriwang sidroe
Meupisah kamoe rap sawo teuka
Berkah puasa mulia Han bagoe
Rahmat keutanyoe meumacam rupa
Lagèe cerita ngon Apa meunoe
Lam puasa nyoe meurumpok muka,
Hana teuduga ban dua kamoe
Meurumpok sinoe Buleun Puasa
Mudah-mudahan lé Tuhan sidroe
Pertemuan kamoe beu Allah Ridha,
Muzus G Payong Syeh DinanggroeMeureudu
#kenebahendatu
#syairaceh
