**
Lam masa Malik Zainal Abidin mat Keuradjeuën Pertugéh kamulaji dji teungóh u Keuradjeuën Islam Samudra Persia Pasè, saboh saboh nanggro fedral karhet lam djaro Peurtugéh, Teumiëng, Peureulak nanggro Fedrasi Persia Pasè ka rhet lam djadjahan Pertugéh lam watèë njän keuh djitet Dawijjah Tjòt Kalla, kuta Banda Khalifah ngón Dawijjah Bukét tjékbrék di kabu.
Dajah Tjòtkalla watèë njän pusat meuneubeuët ëleumë Aneuk Nanggro Keuradjeuën Islam Samudra Persa Pasè ngón aneuk nanggro lingge, Pidië, Darussalam Atjèh Rajek, asia tunöng, natjit njäng teuka nibak nanggro èropa ngón djazirah arab neudjak beuët u Dawijjah Tjòt Kalla meuhingga Dawijjah Tjòt Kalla that meutjeuhu mansigom dônjä lam masanjän.
Dawijjah Tjòt Kalla häna tinggai sapuë, gadòh sampo än djino tan meupat euntjit lheuëh djitet buët kaphé Pertugéh tjeulaka.
Nibak thôn 1521 Masehi Keuradjeuën Islam Samudra Persia Pasè ka taklôk keu Peurtugéh. Keuradjeuën Islam Persia Pasè djidjajah lé Pertugéh thôn 1521-1524 Masèhi.
Teuma di Bandar Atjèh Darussalam Sulthan Ali Mughajat Sjah njäng ék Tahta nibak sunut 1500M tjitka neupeusiap bala teuntra njäng gagah-gagah meuplôh ribèë hadjat neukeumeuk usé kaphé Peurtuéh lam Nanggro Pusaka Éndatu neuhtjah (puga) ngón di nanggro Meulaju njängka neumeu agama ngón agama Bansa Atjèh (Islam).
Neumeulaji phôn di daja, teuma Atjèh Rajek batjut –batjut neu usé agresor kaphé Peurtugéh, di Pidië, Samudra Persia Pasè, Peureulak trôh U Beunawa Teumiëng ngón Aru Palaka.
Nibak thôn 1524M Sulthan Ali Mughajat Sjah ngón pasukan bala-teuntra darat ngón teuntra armada laôt njäng gagah gagah njäng neupimpén lé Panglima Ibrahim Ado Sulthan Ali Mughajat Sjah, neupagab ngón neukeupông kaphé peurtugéh di Keuradjeuën Samudra Persia Pasè bandum neu poh ngón neutawan, häna meuteumë pluëng bandun Teuntra Peurtugéh- djeundral- djeundral tiwaih lam djaro teuntra Keuadjeuën Atjèh Sulthan Ali Mughajat Sjah.
Teumä neuteuka U Peureulak ngón Beunawa Teumiëng, Arupalaka Beusitang neudjak usé Peurtugéh ngón teuntra Atjèh njäng gagah- gagah lagèë Singa häna bandéng lam masanjän, prang Atjèh prang njäng paléng rajek dalam seudjarah Peurtugéh.
Akan takalam jäng leubèh luwah chusuih lam riwajat Sulthan Ali Mughajat Sjah. Sulthan Ali Mugajatsjah neugisa u Dar Assalam Sulthan Ali Mughajat Sjah neutabal keu Sulthan di nanggro pasè nakeuh Sulthan Alauddin Riajat Sjah njäng dudo neupeuluwah Keuradjeuën sampo trôh U Bengkulèn ngón Rijow (Riau). Masa Sulthan Alauddin Riajat Sjah keuh meuluwah djadjahan Nanggro- Nanggro.
