Inna lillahi wa inna ilaihi raji'un
Tanyoe makhluk udep mandum akan matee, sebab akibat nyan ciet ka tentee na,
Na nyang meupok honda, na yang meupok moto,
Na nyang rhot cong kayee na yang rhot cong tower
Na nyang saket, na yang cireet, na nyang tamong rumoh saket
Na nyang meuracon, na nyang bak malam phon, na nyang teungoh mugee teuadee lam tika
Menyoe peuretee mafia sabee ciet ka tentee nyawong bak ujong budee.
Bak malam Rabu 25 April 2018, jeum poeh 01:00 watee Indonesia Bagian Barat, mon minyeuk jie sambui di gampong Pasir Putih, Kecamatan Ranto Peureulak, Kabupaten Aceh Timur, Provinsi Aceh.
Awai phon kejadian dari info media loen baca, mon minyeuk yang di bor lee masyarakat nyan nakeuh lhok jieh -+ 250 meter ue dalam pruet bumoe, sebab akibat minyeuk meuntah nyan jiepoe uluwa karena ka ulak dalam pipa yang dibor nya.
Alheuhnya, troh aneuk apui yang hana meupat ma jieh jisambui minyeuk yang na lam drom sampee mon minyeuk nyan pieh mengamok dan bruuuuum dummmmmm phummmmm khummmmmmm bhammmmmm bhummmmmmm sue beureutoh minyeuk yang na lam droem sampee masyarakat yang na di sinan hana meutemee peuselamat droe.
Ladom na nyang selamat, tapi yang meninggai bak wateenyan na keuh 10 droe ureung, seuireng watee jijak, ureung meuninggai maken meutamah sampee uroenyoe nyang kana haba 21 droe meninggai.
Rumoh saket kureng alat medis, karena pangkat mantong puskesmas, yang selamat jiba ue rumoh saket umum pieh hana solusi na yang meuninggai bak jiepuduk ateuh kurusi, na nyang meuninggai lam moto ambulance, sebab akibat lage haba beuno, bak jibaplueng keunoe keudeh sampee troeuh ue kotaraja banda Aceh.
Aceh memang dalam musibah, syara tanyoe lam seuminet 10 droe woe bak Allah, nyan bek tahireun kehendak Illahi cit ka awai koen kana.
Doa ngoen peujioh but maksit nyan keuh solusi tanyoe, ibadah bek kureung tapujo poe rabbana,
Et noe keuh haba loen karang, menyoe na salah loen tuan lakee meu'ah
Regards: 
Discord Nanggroe Steemit Community (NSC ); https://discord.gg/cdBc8y4
Join Telegram Nanggroe Steemit Community (NSC ); https://t.me/joinchat/G8IzJw78B57CYsjaHxe72g
My Discord, taministy#5445
