#65 - Pantoen Aceh | Boeh Kayee

Jak u Banda Aceh lewat Saree
Lewat Geurutee tajak u Meulaboh
Tan le meusaboh boeh kayee lam glee
Ka habeh reulee segohlom jeut keu boh

Awai dilee jeut rata tangkee
Rata cabeueng kayee leunuet ngon boh
Rata leuen rumoh na bak jambee
Oh ka meuseem boh ramee ureung seunoh

Hana mesti ta ee bak bak jambee
Laen bak kayee pih ka kureueng boh
Peu keuh jameun nyoe karab akhee
Hana lee di kayee di tumoeh boh

Hawa sigoe-goe keu boh kayee
Keudeh u dalam glee payah ta sunoeh
Nyan pih kayee kon nyang perlee
Laen ta perle laen ta sunoh

Meu - Panton