Asai gamba: http://disney.wikia.com/wiki/Flunkey
Buno Tuwanku na jak puta-puta u luwa istana ngon Vorjider. Wateenyan Tuwanku na meutume padum-padum boh komen nyang hana patoet bak postingan awak laen. Meuka dikomen laju, galak-galak jih. Lheuhnyan na lom nyang dimeulieh leupah-leupah that. Hai Tuwanku hana geujak tham gata meulih, teuman bek brat that lah, bek sampek muntah bak tabaca.
Na yang bak postingan dipeugah masalah itek paya, dijih dikomen masalah canggruek. Kon mumang jih. Kon dibaca dile atra gop, meuka dihambo laju rarabutu broeh-broeh putoeh. Nyan model ureung sit tok dijak peuleumah drojih bak gop nak diphot jih. Teuman pu ek jeut meunan? Hai jeut, so peugah hanjeut. Teuman dak meudeh kon beumeuri tanyo na sikula, bek meuka neuhayak ju.
Lheuhnyan na lom padum-padum dro Tuwanku peurati, sit dijak meulih keunan. Sit meuri meitipek ie babah jih hinan. Omen teuh cokup luwat bak takalaen. Tuwanku rab rab muntah baca komen awaknyan. Cukop glue sampek ceulala bak takalen. Nyan padahai wate tacek sikula na beut na, tapi ek meunan dipeuget drojih. Tan malee. Parte loep lam pue'p.
Beasajih awak modelnyan dikomen bak parte raya panyang sagai. Caper kheun aneuk jino. Meunyo atra rakyat stimit nyang manteng ubeut-ubeut sit meudipako tan. Meudibalah komen han item. Nyan curak parte nyan. Sit dimita yang raya-raya sagai, sabab jeut diharap phoet bak ureungnyan. Teuman bak awak ubeut-ubuet pu diteupu harap, hek diphot saboh kawan ch'oeh diteubit.
Asai gamba: http://wakonyu.org/jalaram-hospital-kisumu/
Nyo Tuwanku peugah bak gata mandum. Nyan awak raya panyang nyan sibutoijih muntah dibaca komen parte awak meulieh nyan, teuman hana dijak peugah bak gata. Na padup-padup dro awak raya panyang payah diopname bak hospitel lheuh dibaca komen partee awak tapeugah buno. Wate ditanyeng le dokoter, pu saket gata raya panyang? Dijaweub, muntah kuh bak kubaca komen sampe roe ie babah. Oh meunan, khuen dokoter. Bohkajeut berarti gata payah opname meu dua malam bah puleh muntahnyan. Lheuhnyan dipeuingat lom le dokoter bak awak muntah gara-gara komennyan, hai raya panyang, enteuk meunyo gata kasihat bekle tabaca komen-komennyan, takot muntah lom, jeut dokoter, meunan dijaweub le raya payang.
Nyan kon kajeulaih? Bek le neujak peusosah gop sampe payah opname gara-gara komen gata. Meunyo bak Tuwanku dijak komen meunan-meunan sit langsung Tuwanku pleg. Tuwanku hana galak meunan-meunan. Kon hanjeut komen, jeut komen pu masalah, teuman bek leubeh-leubeh that, biasa manteng. Bek sampe payah tajak cok tima tajak kuet ie babah gata bak postingan gop.
Asai gamba: http://www.gallery-pangolin.com/works/hang-dog/903
Nyan so na bantah, jak laju u istnana, bek tuwe ba kupi-kupi waneuh, saka waneuk, kueh waneuk, pokoknya waneuk-waneuk sapu.
Kajuet meunan dile, nyo Tuwanku nak tempe bhan Vorjider dile, kaboco buno wate Tuwanku jak meurawon.