Malamnyo Tuwanku han ek peugah haba le that. Teungoh beuo bacut. Jadi hana Tuwanku tuleh panyang-panyang. Enteuk wate Tuwanku teungoh jeumot, akan Tuwanku tuleh beupanyang, beu ulak beun wate neubaca. Tuwanku saban lagee gata mandum, na masa heng sit sigege. Nyo teungoh heng Tuwanku.
Jadi malamnyo Tuwanku nak peugah bacut sagai. Hana panyang-panyang. Meuno. Lawetnyo na Tuwanku jak survei u padup-padup boh akun bak steemit. Tuwanku kalen na yang meuka dikomen laju atra gop, di baca tan. Jadi dikomen meukalheuh dih ju.
Bak postingan dipeugah masalah itek, dijih dikomen masalah kameng. Bak postingan tentang manok, dijih dikomen leumo. Nyan pu kadipeubut. Nyan kon hanjeut keubut. Meunyo bak Tuwanku dijak komen meunan, langsong Tuwanku bri hukuman di tempat, hana meutume pinah tempat, langsung inan ju Tuwanku takat. Pu yang jeut jeut dih. Han ek Tuwanku pike. Sabab Tuwanku nyo nakeuh sidro Raja, jadi wajar Tuwanku bri hukuman.
Nyo Tuwanku peugah bak gata mandum. Sigolom neukomen atra gop, neubaca dile beu abeh. Meunyo golom meuphom neubaca lom. Golom meuphom baca lom. Bit sit han meuphom baca sige teuk. Oh manteng sit hana meupat, baca laju-laju. Wate ka bit meuphom baru neukomen beucocok, beu pah, beu meukeunong. Bek meuka neurajah ju.
Asai Gamba: https://steemit.com/indonesia/@abunagaya/menambang-reward-dengan-komentar-201788t143144153z
Sabab meuno, na pengalaman rakyat steemit wate dikomen ata awak luwa nanggro seuneulheuh but keunong paleut atawa lam bahsa moden diplag. Na yang sampe puteh diplag, meuprek-prek hana so bantu. Nyan paken? Nyan akibat jih dikomen rarabutu bak postingan gop. Nyan awak luwa nanggro nyan ubebe raya badan, bek neujak mayang keunan, ditakat cot iku neuh. Beu hati-hati.
Bek sampe bak jak mita phoet bak awak luwa ka keunong plag hana meujan-jan. Nyan akibat hana hati-hati. Bek jak paksa dro jak komen meunyo gata hana meuphom. Nyan awak luwa dum dipeugot posting peukara sayen, teknoloji dan seubago jih peukara maju-maju, di gata ka tajak komen masalah moto peuleupeuk meuriya keunan. Teuman kon mita matee.
Asai Gamba: https://delishably.com/dairy/Everything-you-Ever-Wanted-to-Know-About-Chicken-Eggs
Meunyo hana meuphom iem manteng. Jak mita posting-posting masalah itek keumarom manteng, bek jak ikot jampu peukara satelit yang gata hana ileume. Kecuali gata tem meuruno. Bek sampe digop peugah peukara power renjes, digata jak peugah si Pitung, pajan ikap.
Kajeut meunan dile. That palak Tuwanku kalen komen-komen lage asam nyan.