Dear steemians
Hai syedara mandum, bak seupoet uroenyoe lon tuan nak peu ek gamba bu angen, that paloe biet bue nyoe, tapi nyoe hana kaitan ngoen 
Bu angen nyoe dilon tuan pih kureung meufom bahasa indon hih, maka jih lon tuleh monyet angin, bak budiek biet meulatang nyoe koen ka payah ta teume jinoe lam uteun, bak pieh uteun ka beh jikoeh le manusia dum ka icok kayee raya jipubloe, kakeuh meulatang-meulatang langka yang na lam uteun kabeh ijak saboh sahoe.
Meunyoe malam neukalon mata bue angen koen mirah hue ubee raya, that yoe teuh neu pateh? Lon kalheuh ku kalon beureuteh yoe teuh, pulom mata jih ubee raya, rap ubee ulee apa sadon...haha.
Lage bak gamba cie neu kalon, wate ta lhoeh ngoen sentei meuble-ble deuh ta kalon, lagee hantu raya mata ju nah. Nyoe na geupeugah le ureung tuha awai, bue angen meunyoe ta ikat atau ta kuroeng, watee malam gadoeh karena jiba le angen, tapi lon hana lon coba, nyan cuma surah pusaka, meunyoe na neuteumei jeut neu tes, tapi bek neupakat lon, sabab lon na but laen.
Meunyoe na neuteume bue angen bek neumat barang kahoe, sabab igoe jih that tajam, meunyoe salah neumat, meukram ikap putoeh jaroe, darah pu ta tanyoeng teuma, nyan bek dile ta peugah saket. Nyan keuh jeuh beu leuheun meunyoe meuteume bue angen, koen lagee siben atau eungkoeng.
Teuma di bue angen meutuah nyan ijih hana rayoek-rayoek, yang na raya cit aneuk mata ngoen igoe jih, meunyoe badan ubee ploek minyeuk angen, hai lon ubeut that, tapi cuma rayoek nibak sapai bacut, beda ngoen bue laen yang karab na ubei badan tanyoe.
Uleh karena nyan meunyoe neuteumei bek neu publoe pih, karena nyan binatang langka, idroep neuh le peulisi, jikurong lam penjara, suwah neu yu jak saweu bak lon, lon han kutem sabab kalheuh kupeugah. Droeneuh bek bak neubaca tulisan lon teuntang bue angen ka nak droep, lon cuma lon tuleh kadang na yang hana turie bue angen, sabab tanyoe jai that ureung kota ka, ka hana le meurie ureung gampong, padahai uroe jeh lam gampong mandum meu wet-wet.
