اهلا بكم
اتمنى تكونوا بخير جميعا
احب اعرفكم بمنصة ستيم باختصار
ستيم هى منصة تواصل اجتماعى تعتبر الجيل الثالث من منصات التواصل الاجتماعى ( بتدفع جزء من ارباحها للناشرين )
لاء مش نصب استنى اعرفوا الموضوع الأول !!!
المنصة عمرها سته و اربع شهور تقريبا و السؤال اللى خطر ببالكم الوقتى - لية تدفعلى - فى رأيى المتواضع علشان يزيد الطلب و التداول على العملة المشفرة ستيم و بالتالى ترتفع قيمتها فى سوق العملات المشفرة
بيدفعولك ايه
٣ حاجات الاولى ستيم باور و ده متقدرش تسحبه من الموقع الا بعد سنتين و ياريت متسحبوش خالص للسبب اللى وضحته. هناhttps://steemit.com/arab/@egy-girl/malwmat-mhmh-an-stymt-steemit
الثانى ستيم و ده اعلى قيمه من الثالث و هو ستيم دولار اللى كان فى شهر ديسمبر اللى فات يساوى سنت امريكى و فى اول الشهر ده وصل دولار و سبعين سنت !
و انخفص حاليا لحوالى دولار امريكى بعد السقوط المدوى فى سوق العملات المشفرة
بعض النصائح الواجب مراعتها :
الموقع يقوم بمراقبة اى بى الجهاز يعنى مينفعش تعمل اكتر من حساب على نفس الجهاز
الموقع بيراجع كل ما نشر يعنى مينفعش تاخد كوبى و بست
من اى موقع وتنشر هى منصة تطلب الابداع و المشاركة الشخصية
عند عمل حساب بعد تفعيل الميل بيفعل رقم موبيل بعدها ممكن ياخد اكتر من اسبوع علشان يبعتلك الباسور اللى هى مشفرة و صعبه و لايمكن استرجاعها فى حالة ضياعها لانها بتتعمل عن طريق برمجه زى باسورد الفيزا و الحسابات البنكية ، باختصار تاخدها سكرين شوت و احفظها فى مكان آمن لو حتى هتحفظها فى الشكمجية :)
لما تعمل حساب هيوصلك ٢٥ ستيم باور مكفأة من الموقع و
على حسب قوة منشوراتك و تأثيرها
بتجنى ارباح مش كل المشتركين زى بعض و كمان قوة التصويت بتفرق من شخص للتانى مثلا حد يعملك ابقوت فى الغالب و المبتدئيين تساوى سنت امريكى و ناس تانيه تلاقى الفوت بتاعهم بكام دولار - يارب حد منهم يشوف البوست ده :) - و بالتالى العائد يزيد
مهم انك تبنى قاعده جماهيرية لك و المنصة بتسمح بنشر البوست على الفيسبوك و تويتر و غيرها للترويج
المنصة فى مرحلة بيتا يعنى لسه الاشعارات مش زى الفيسبوك و تويتر مثلا لكنهم بيشتغلوا على تطويرها
حاول قدر الامكان ترقية حسابك من خلال الستيم باور اوعى تستعجل فى تغيير و بيع ستيم دولار علشان حسابك يكون قوى
دى بعض المعلومات و ان شاء الله هتابع معاكم
لو عندك اى اضافه اتمنى تقولها فى التعليقات
لمشتركى ستيمت لو عجبك البوست او اضافلك اى جديد ابفوت و تابعنى
تحياتى لكم جميعا
#arab
شكرا لكم
