#သက်ရှိဘုရား
#စိတ်တူထား
#ညွတ်တွားပူဇော်ပါ
တိဋ္ဌန္တေနိဗ္ဗုတေ စာပိ၊
သမေ စိတ္တေ သမံ ဖလံ။
စေတောပဏိဓိဟေတု ဟိ၊
သတ္တာ ဂစ္ဆန္တိသုဂ္ဂတိံ။
( ဝိမာနဝတ္ထုပါဠိတော်၊နှာ-၆၆ )
သက်တော် ထင်ရှားရှိတော်မူသော မြတ်စွာဘုရား၌ဖြစ်စေ, ပရိနိဗ္ဗာန် စံတော်မူသော မြတ်စွာဘုရား၌ဖြစ်စေ စိတ်ထားညီမျှသည်ရှိသော် ညီမျှသော အကျိုးကို ပေးနိုင်၏၊ စိတ်ကို ကောင်းစွာ ထားခြင်းတည်းဟူသော အကြောင်းကြောင့် သတ္တဝါတို့သည် ကောင်းသောလားရာ သုဂတိသို့ သွားကြရကုန်၏။
(ဝိမာနဝတ္ထုပါဠိတော်မြန်မာပြန်၊နှာ-၆၇)
သက်တော်ထင်ရှား မြတ်စွာဘုရားကဲသို့ စိတ်သဘောထားပြီး ရုပ်ပွားဆင်းတုတော်တို့ကို ဆည်းကပ်ကိုးကွယ်ရင် သက်ရှိထင်ရှား မြတ်စွာဘုရားရှင်ကို ကိုးကွယ်ဆည်းကပ် ပူဇော်ရတဲ့ ကုသိုလ်ရဲ့အကျိုးနဲ့ ထပ်တူထပ်မျှ အတူတူ ရပါတယ် လို့ ဆိုလိုရင်း ဖြစ်ပါတယ်။
ဗုဒ္ဓဘာသာဝင်တို့ အတော်များများ ဖူးမြင်သိရှိကြတဲ့ စစ်ကိုင်းတိုင်းဒေသကြီး၊ မုံရွာမြို့နယ်၊ သမ္ဗုဒ္ဓေမြတ်စွာဘုရားအရှေ့ဘက်မှာ ဗောဓိတထောင်ဆရာတော်ကြီး တည်ထားတော်မူခဲ့သော ကမ္ဘာမှာဉာဏ်တော်အမြင့်ဆုံး လေးကျွန်းစကြာ ရပ်တော်မူ ဗုဒ္ဓရုပ်ပွားတော်မြတ်ကြီးဟာ အဝေးကပင် ဖူးမြင်လို့ရနိုင်တဲ့ ကမ္ဘာ့အံ့ဖွယ် ကမ္ဘာကျော် ရုပ်ပွားဆင်းတုတော်ကြီး ဖြစ်ပါတယ်။
'' ဘုန်းတော်ခြောက်စုံ တန်ခိုးဂုဏ်နှင့် ပြည့်စုံတော်မူသော မြတ်စွာဘုရားရှင်" ရဲ့ ဘုန်းတော် ( ၆ ) ပါးထဲမှာ ( ၁ ) ပါး အပါအဝင်ဖြစ်တဲ့ '' ကိုယ်တော်ကို စကြ၀ဠာပြည့်အောင် ဖန်ဆင်းတော်မူနိုင်ခြင်း ဣဿ
ရိယဘုန်းတော်ကြီးကို မျက်မြင်ကိုယ်တွေ့ ဖူးတွေ့ကြရသကဲ့သို့ အံဩစဖွယ် လွန်သပ္ပါယ်၍ စိတ်ဝယ်အံ့ချီး ရွှေရောင်ဟည်းလျက် တုမမှီးနိုင်သော ရုပ်ပွားဆင်းတုတော်မြတ်ကြီး ဖြစ်ပါတယ်။
မြတ်စွာဘုရား ရုပ်ပွားဆင်းတုတော်ဆိုတာ သက်ရှိထင်ရှား မြတ်စွာဘုရားကို ဖူးမြော်ကြည်ညို ရသကဲ့သို့ ဖူးမြော် ကြည်ညို ကုသိုလ်ပြုလုပ်ဖို့အတွက်သာ ဖြစ်ပါတယ်၊ #မျှော်စင်သဖွယ်လှည့်လည်တက်ရောက်ဝမ်းတော်ဖောက်သလိုပြုလုပ်ဖို့်မဟုတ်ပါဘူး၊ အောက်မှ ဖူးမြော်ကြည်ညိုရုံသာ ပြုလုပ်သင့်ကြပါတယ်၊ မြတ်စွာဘုရားရုပ်ပွားတော်မြတ်ကြီးရဲ့ ဝမ်းဗိုက်တော်ထဲဝင်ပြီး မြတ်စွာဘုရားရှင်ရုပ်ပွားဆင်းတုတော်မြတ်ကြီးကို ပျော်ရွှင်ဆော့ကစားစရာ မျှော်စင်ကြီးလို သဘောထားပြီး ဝဲယာထက်အောက် သွားရောက်ကြလျှင် ''#ဗုဒ္ဓအဂါရဝ" ဖြစ်နိုင်ပါတယ်။ #ဗုဒ္ဓအဂါရဝဖြစ်ရင်အပြစ်ကြီးပါတယ်။
ဗုဒ္ဓအဂါရဝဟာ သာသနာတော်ကို ပျောက်ကွယ်စေသည်အထိ အပြစ်ကြီးပါတယ်။ '' ဣဓ ကိမိလ...ပ...သတ္ထရိ အဂါရဝါ ဝိဟရန္တိ အပ္ပတိဿ
ာ၊ ...ပ...ယေန တထာဂတေ ပရိနိဗ္ဗုတေ သဒ္ဓမ္မော န စိရဋ္ဌိတိကော ဟောတိ။
( အဂုင်္တ္တရနိကာယ်၊ ကိမိလသုတ်၊ နှာ-အံ၊ ဒု ၊ ၂၉၈။ )
'' ကိမိလ...ဤသာသနာတော်၌ မြတ်စွာဘုရား ပရိနိဗ္ဗာန်စံတော်မူသည်ရှိသော် ရဟန်း ရဟန်းမိန်းမ ဥပါသကာ ဥပါသိကာမတို့သည် -
မြတ်စွာဘုရား၌ မရိုမသေ မတုပ်မဝပ် နေကုန်၏။ တရားတော် သံဃာတော် အကျင့်သိက္ခာ မမေ့မလျော့ခြင်း= အပ္ပမာဒ အစေ့အစပ်ပြုမှု=ပဋိသန္ဓာရ၌ မရိုမသေ မတုပ်မဝပ် နေကုန်၏။
ကိမိလ...မြတ်စွာဘုရားပရိနိဗ္ဗာန်စံတော်မူသည်ရှိသော် သာသနာတော် ကြာမြင့်စွာ မတည်နိုင်ခြင်း၏ အကြောင်းကား ဤသည်ပင်တည်း၊ အထောက်အပံ့ကား ဤသည်ပင်တည်း" ဟု ( မိန့်တော်မူ၏ )
( အဂုင်္တ္တရ်ပါဠိတော် မြန်မာပြန်၊ ဒု၊ ၃၈၄။ )
#ဗုဒ္ဓအဂါရဝ ရဲ့အဓိပ္ပါယ်ကို ' စေတိယင်္ဂဏေ သဆတ္တော သဥပါဟနော ဝိစရတိ၊ နတ္ထေ တဿ
ဗုဒ္ဓေ အဂါရဝေါတိ ဝေဒိတဗ္ဗော' လို့ ပရိဝါအဋ္ဌကထာ ( ၁၅၂ ) မှာ ပြထားပါတယ်၊ ' စေတီရင်ပြင်၌ ထီးဆောင်းလျက် ဖိနပ်စီးလျက် သွားငြားအံ့၊ ထိုသူအား ''ဘုရား၌ရိုသေခြင်းမရှိသူ" လို့ သိရမယ် တဲ့။
သံယုတ် အဋ္ဌကထာမှာ -
'' ယော စေတိယင်္ဂဏံ အာရောဟန္တော ဆတ္တံ ဓာရေတိ၊ ဥပါဟနံ ဓာရေတိ၊ #အညတောဩလောကေတွာကထံကန္တောဂစ္ဆတိ၊ အယံ သတ္ထရိ အဂါရဝေါ နာမ' လို့ ပြဆိုထားပါတယ်။
အဓိပ္ပါယ်ကတော့ '' စေတီတော်ရင်ပြင်ကို တက်လျှင် ထီးဆောင်းပြီး တက်မယ်၊ ဖိနပ်စီးပြီး တက်မယ်၊ ဘုရားကို ဂရုမထားဘဲ ဟိုကြည့် သည်ကြည့် ကြည့်မယ်၊ ထင်ရာ မြင်ရာစကားကို ပြောနေမယ်ဆိုလျှင် ဘုရားရှင်ကို မရိုသေရာ ရောက်ပါတယ်" တဲ့။
#စေတိယင်္ဂဏေစေတီတော်ရင်ပြင် တောင်မှ ဒီလို အပြုအမူမျိုးတွေ ပြုလုပ်ပြောဆိုကြရင် #ဗုဒ္ဓအဂါရဝ ဖြစ်တယ်ဆိုရင် #ရုပ်ပွားဆင်းတုတော်အတွင်း ဆိုရင် စဉ်းစားသာ ကြည့်ကြပါတော့၊ စာပေကျမ်းဂန်စကား ငှါးပြောရရင် ''#ကောပနဝါဒေါ" အဘယ်ဆိုဖွယ်ရာရှိအံ့နည်း..ပေါ့ဗျာ။
ရာဇဂြိုဟ်ပြည့်ရှင် ဘုရင်ဗိမ္ဗိသာရမင်းကြီး ခြေဖဝါးဓားခွဲ ရှားမီးရဲရဲနဲ့ကင်ပြီး အသတ်ခံရတာဟာ အရင်ဘဝတစ်ခုတုန်းက စေတီတော်အား ပန်းလှူဖို့ရန် ပြုလုပ်ထားတဲ့ ပန်းတင်ခုံပေါ်ကို ဖိနပ်စီးပြီး တက်ခဲ့ဖူးတဲ့ အကုသိုလ်ကံကြောင့် ဖြစ်ပါတယ်တဲ့။
ဗုဒ္ဓဘာသာဝင် ရဟန်း,ရှင်,လူအပေါင်းတို့...ကမ္ဘာ့အံ့ဖွယ်တစ်ဆူ ဖြစ်တော်မူသော လေးကျွန်းစကြာ ရပ်တော်မူရုပ်ပွားမဟာကြီးသည် #မျှော်စင်ကြီးမဟုတ်ပါ၊ သတိကြီးကြီးထားပြီး တက်ရောက်ခြင်းမှ ရှောင်ကြဉ်ကြပါကုန်။
မြတ်စွာဘုရားကို ကိုယ်ချင်းစာကြည့်ကြပါ၊ မိမိတို့ရဲ့ဝမ်းဗိုက်ထဲ ကြွက်ရှင်တစ်ကောင် ဝင်ရောက် သောင်းကျန်းနေရင် ဘယ်လိုခံစားရမလဲ? နားရွက်ထဲ ပုရွက်ဆိတ်တစ်ကောင် ဝင်သွားဖူးတုန်းက နားစည်ထဲမှာ တဝုန်းဝုန်းနဲ့ အတော့်ကို ခံခဲ့ရဖူးပါတယ်၊ မာရ်နတ်မင်းကြီး ရှင်မဟာမောဂ္ဂလာန်ဝမ်းထဲ ဝင်ပြီး နှောင့်ယှက်တုန်းက ရှင်မဟာမောဂ္ဂလာန်ကိုယ်တော်မြတ်ကြီး ဒုက္ခခံလိုက်ရပါသေးတယ်။
လေးကျွန်းစကြာ ရုပ်ပွားတော်မြတ်ကြီးကို သက်တော်ထင်ရှား မြတ်စွာဘုရားကဲ့သို့ စိတ်သဘောထားတဲ့ ပုဂ္ဂိုလ်များ, ဗုဒ္ဓအဂါရဝဖြစ်မှာကို ကြောက်တဲ့ပုဂ္ဂိုလ်များ ရုပ်ပွားတော်ကြီးရဲ့ဝမ်းဗိုက်အတွင်း ဝင်တက်ရောက်ခြင်းမှ ရှောင်ကြဉ်ကြသလို အားလုံး ရှောင်ကြဉ်နိုင်ကြပါစေ...။
#လျောင်းတော်မူရုပ်ပွားတော်ကြီးရဲ့ကိုယ်ခန္ဓာအတွင်းသို့လည်းမည်သူမျှမဝင်မိဖို့ အထူး လျှောက်ထား/ပြောကြား သတိပေးပါတယ်။ နိုင်ငံခြားတိုင်းပြည်မှာ ဗုဒ္ဓဘာသာမဟုတ်တဲ့ တိုက်အိမ် ဟိုတယ်တွေရဲ့ လှေကားခုံအောက်မှာ/လှေကားခုံအနီးမှာ ဗုဒ္ဓရုပ်ပွားပုံတွေကို အလှအပ အသုံးအဆောင်အဖြစ် ထားကြတယ်တဲ့၊ သူတို့က ကိုးကွယ်ဖို့မှ မဟုတ်ဘဲ။
မြန်မာနိုင်ငံမှာ ဗုဒ္ဓဘာသာစစ်စစ်များက မြတ်စွာဘုရားကို #မျှော်စင်ကြီးကဲ့သို့ အသုံးချနေကြမယ်ဆိုရင် ဘာသာခြားများရဲ့ကဲ့ရဲ့ဖွယ်ရာ ဖြစ်ရုံသာမက #ဗုဒ္ဓအဂါရဝဖြစ်ပြီးသာသနာတော်ကိုအလျင်အမြန်ကွယ်ပျောက်စေရာရောက်လို့ရပ်တော်မူလေးကျွန်းစကြာရုပ်ပွားတော်ကြီးရဲ့ #ဝမ်းဗိုက်တော်အတွင်းသို့ဝင်ရောက်တက်ရောက်ခြင်းမပြုလုပ်ကြပါရန် သတိပေး ရေးသားလိုက်ရပါတယ်။
