قريتي، شديتي الباك، زدتي قريتي مورا الباك، شديتي الديبلوم، بغيتي تخدم وملقيتيش الشركة لي تقبل عليك؟؟؟
بغيتي تعرف السباب علاش؟؟؟
واخا اسيدي... كنبغي نقوليك على سلامتك، نوض تشلل راه غير كنتي ف كاميرة خفية... للاسف هادي هي الحقيقة... التعليم لي تعلمتي ماغادي اصورليك تا بصلة (باستتناء الناس لي كافحو وقراو كتر من داكشي لقراهم التعليم ديالنا، والناس لي عندهم موكة باش اقراو فمدارس زوينين ومكملينها ب باك صاحبي باش خدمو)، كنهضر هنا على المواطن المغربي العادي
راه العلم لي تعلمتي من التعليم المغربي العومومي راه غير خريبيقة زريبيقة..... علاش؟؟!
المشكل كاين فالطرفين، الطرف الاول هو المنضومة التعليمية المغربية "معطوبة"، الطرف التاني هو التلميد لي تايق فيها كل التقة وككتافي بها.... المهم منطولوش فهادشي ندوزو للحل لي خصنا نركزو عليه ونعلموه لولادنا:
الحل ا سيدي هو اولا للناس لي مازال كيقراو، ديرو فبالكم ان داك التعليم "ناقصة عقل ودين" وملي تمشيو للمدرسة شدو اش علموكوم وملي ترجعو للدار بحتو قلبو تعلمو... داكشي لي كتاخد فالمدرسة خاسو اكون غير 10% او اقل، و 90% خاسها تجي من التعلم الداتي L'autoformation / self-learning ..... ماتبحتوش غير فداكشي لي كيقريوكم، لا، داكشي زربو عليه داغي وسيرو قلبو فشي علم اخر انفعكم (غادي ندكر ليكم اهم الحوايج لي خصكم تعلموها لتحت)
عارف بلي غادي تجيك صعيبة فالول، ولكن ملي غادي تتقدم شوية وتحس بالفرق غادي تندم على الايام لي ضيعتي قبل.
حوايج خاصك ولا بد ولا بد ولا بد ولا بد تركز عليهم فحياتك: (الناس لي توقفو على الدراسة بداو من هنا %100 Self-learning)
- اولا وقبل كل شيء اللغة الانجليزية، هادي خاصها تكون عندك فالدم الا بغيتي تنقد راسك
- يجب ان تكون على دراية كيفاش كخدم عقلك، كيفاش كيتعلم العقل، كيفاش كنفكرو، كيفاش كناخدو القرارات، كفاش كتحس.... بخلاصة: "شكون هو الانسان وكيفاش كيخدم"، علميا وبعيدا عن المعتقدات الخرافية، (علميا مع شوية ديال علم النفس وعلم الاجتماع.)
حيت ملي غادي تعرف راسك كفاش كتخدم غادي تفهم كيفاش دايرة الحياة وبالتالي غادي تستعمل راسك احسن استعمال.
امتلة لاناس غادين اعاونوك تفهم هادشي:
Sa'ed Al-Duzdar
Da7ee7 - الدحيح - من بعد ماغادي تعرف راسك كيفاش كتخدم :) خاسك تعرف العلم كيفاش كيخدم.
من الناس ليغادين اعاونوك فهاد القضية: Najib El Mokhtari... (كاين بزاف ديال الناس لي افيدوك، سول وقلب، انا كنكتب غير لي تفكر عقلي فهاد اللحضة)
من بعد ماغادي دير هاد 3 خطوات غادي تولي انسان "واعي" عارف شناهيا الحياة وشناهو الانسان وعندك جميع المؤهلات باش تتعلم اي حاجة بغيتي... هنا غادي تنسا شي حاجة سميتها "خدميني يا دولة" وغدي تركز على التنمية ديال راسك براسك، وركز على شي موهبة فيك او شي خدمة كتعجبك، ركز وتعلم وطور راسك براسك، كلشي موجود فلانتيرنييييت.
نصائح خليها بين عينيك:
#ماعمرك تزرب، لي زربو ماتو... راه الا زربتي ماغادي دير والو، (كنهضر على لي باغيين لفلوس داغي) خود وقتك فالتعلم ونسا النتائج، حيد عليك اي التزامات وركز في التعلم
#ماعمرك تكتفي بداكشي لي عندك، لا معلومة لامبدأ لاعلم لالالالالاشيء ديما طمح للاكتر.
#ماعمرك تيق 100% فداكشي لعندك، مهما كانت المعلومة راه ممكن تكون غالطا، اي حاجة فعقلك راه ممكن تكون غير كدبة، ادن متكونش فخور براسك وتبقا تدافع على معلومات او مواقف مغلوطة، خلي جميع معلوماتك قابله للنقاش مهما كانت ولو فالامور الدينية.
#ماعمرك تعتابر نصيحة الاخر انه "كيفهم عليك" او "كيعيق عليك" (كيفما غادين اقولو شي ناس على هاد المنشور نيث) لا، ديما خلي راسك صغير، خاسك تستافد من كلشي حتى من الاعداء ديالك.... (وخا كنصحك عمرك اكون عندك اعداء، خليك ديما عنصر محايد فالمجتمع، ديها غير فحياتك وفمستقبالك وفمشاكيلك، مامحتاجش مشاكيل الناس.)
#ماعمرك تفقد التقة بالقدورات ديالك... ماتيقش فالمعلومات ليعندك 100% اه ... ولكن تيق 100% بلي نتا قادر توصل لاي حاجة بغتيتها.
PS1: انا ماكانفهمش فكلشي، انا كنقول ديما غير تجريبتي الشخصية الجد متواضعة لي غيرت بيها حياتي.
PS2:
الى بانتلك شيحاجة غالطة بلييييز عقب عليها باش ناقشوها او الى بانلك داكش مفيد نشرو معا صحابك، ماشي ضروري دير Share، دير غير Copy/Past عندك فالبروفايل.
PS: لي كعرف شي شخصية كتفيد بشي حاجة ويستاهل نتبعوه اتاغيه فتعليق، باش المنشور لي مور هادا نجمعو فيه جميع الناس الزوينة باش اعرفهوم كلشي