Alimlərin yeni araşdırmaları göstərib ki, Mars planetinin torpağındakı birləşmələr bakteriyaları bir neçə dəqiqə ərzində məhv edir.
Beləliklə mikroorqanizmlərin Mars planetində sağ qala biləcəkləri barəsində alimlərdə şübhələr yaranıb. Belə ki, bakteriyaların məhv olmasına səbəb Mars torpağındakı perxloratlardır (xlor turşusunun duzları) . Perxloratlar isə güclü turşular hesab olunur və Mars planetinin torpağında aşkar olunması planetdəki yaşayan orqanizimin tapılmasını sual altına qoyur. Həmçinin bu birləşmələr Mars planetinin səthində suyun maye şəklində qalmasının səbəbidir. Ultrabənövşəyi şüaların təsiri ilə də perxloratlar çox güclü turşulara çevrilirlər.Əgər nəzərə alsaq ki, Mars Yer kürəsi ilə müqayisədə daha nazik atmosfer qatına sahibdir, onun səthində bu tip şüalanmalar daha çox olur. Mars səthində perxloratın olması alimlər üçün gözlənilməz nəticə olub və onu müşahidə etməkdə davam edəcəklər.