Kalipay ko kaniadto magpalupad ug tabanog gamit ang papel nga dyaryo ug tukog sa silhig, sa nipis nga tanod ni nanay tabanog ko gisalig.
Kahinam sa kong kasing-kasing wa gyud milubad, himoon ko tanan aron tabanog ko molupad. Sa kainit sa adlaw way kahadlok mga panit masunog.
Didto sa hawan sige ako magdagan-dagan, mga huyop sa hangin akong gipailin-ilinan.
Una kong tabanog dakong kapakyasan, di mao ang balansi ang desenyo dautan.
Sa ikaduha kung tabanog nasangit sa poste kay arang kahoy ang lugar, sayop akong diskarte mitakilid, mituyok ug dayun misawom. Imbis padulong sa kalangitan sa yita mipaingon.
Ikatulo nakong tabanog nakalupad gyud intawon, apan pisi na bugto tabanog ko misawom. Niabot ang panahon sa tabanog ako na ekserto.
Apan wa ako nagpapildi sa mga kalisdan sa paghimo ug tabanog wa gyud ko magpalupig. Ang pagpalupad sa tabanog adunay pamaagi.
Atubangon gyud ang hangin birahon ang pisi. Matag huyop sa hangin kini opurtunidad kung birahon ang pisi.
Arun ang tabanog motaas ang lupad salamat akong tabanog sa imong pag tulun-an. Ako nidako nga adunay abilidad, ug kinaadan nako ang pag himo ug tabanog.
Usa ka pagsuway kinahanglan molupad kini aron kita palipay. Mgs hangin sa pagsuway sugaton nga dunay kaisog.
Ang atobg kinabuhi sama sa usa ka tabanohg, pisi ug diskarti sa kakugi angay nga tugotan. Aron molupad pataas padulong sa kalamposan.
Sukad karun ug makakita ko ug tabanog, malipay ako ug makahinomdom sa kagahapon, lisud man balikon ang kaniadto tabanog ko nagpabilin pa gihapon.
Hugot nahu nga wala kalimti ang kalipay nga gibati. Sa dihang mihuyop ang kusog nga hangin, arun ang tabanog andam na maglupa-lupad sa hangin.
Ug dinhi na natapus ang kining hamubo kong balak, sa tabanog kita malipay.
Ug kinsa tong ganahan magbasa aning tula, lubos nahung kalipay, kay kitang tanan dire sa kalibotan magpabiling malipayon.
