Sa kalangitan ay lagi kang nakatingala.
Hinihintay na may mangyaring himala.
Pero meron nga ba?
Hindi ko alam sa totoo lang talaga.
Pero kung aking titignan.
Iba ibang tao.
Iba ibang pananawaw.
Iba ibang hiling.
Iba ibang mithiin.
Minsan isang gabi.
Na tanging buwan lang ang naghahari.
Nagliyab ang kalangitan at nagbigay liwanag.
Mga bituin sa langit lahat ay kay tingkad ng kislap.
Pero isa sa kanila ang nakaagaw ng kanyang pansin.
Isang bulalakaw ang hindi inaasaha'y dumating.
Napangiti bigla dahil sa nakita.
Isang kahilingan ang naisip niya bigla.
Sana.
Sana siya ay ngumiti ng kusa.
Hindi dahil para sa iba kundi para sa sarili niya.
Lahat ng problema'y napagdaanan na niya.
Isang ngiti sa kanya'y nararapat talaga.
Sa kabilang banda nama'y may isang bata ring nakakita.
Sa bulalakaw na dumaan habang siya'y nakatulala.
Isang hiling din ang kanya'y isinalita.
Isang kahilingang walang kasiguraduhan kung mangyayari nga ba.
Ang Ama sana'y kanya nang makita.
Ilang taon na itong wala sa piling nila.
Mga gabing ina'y umiiyak at nakatulala.
Yakap ng kanyang Ama ang papawi sana.
Sa kanya namang masayang dinadama ang simoy ng hangin.
Di sinasadyang sa kalangita'y nakatingala din.
Bulalakaw na nakita ng kanyang mata.
Napapikit siya saka humiling kay Bathala.
Humiling na sana kung may pagkakataon pa.
Ang pamilya''y makausap muli niya.
Kaya gabi gabi lagi siyang nakatingala.
Hinihingi sa mga bituin na kanyang mga kwento ay dalhin sa kanila.
Siya ngayon ay masaya na.
Kalungkutan ng puso'y napapawi na.
Ngiti sa mga labi'y unti unti na niyang nakikita.
Sa daang tinatahak ay sigurado na siya.
Wala talagang makakapagsabi ng mahikang dala nila.
O sadyang mga ito'y kathang isip lang talaga
Pero mga bituin at bulalakaw ay likha Niya.
Malay mo, ginawa ito para ika'y maniwala at maging matatag sa anumang pagsubok na bigay din Niya.
Here's another poem from 
As from previous postings of other authors' works in my account, this is to raise funds for 
Photo credit to 
Exciting times ahead for . Thank you for your trust and constant support!
