Ang 
Kami ay lubos na nagagalak dahil sa pinakitang dedikasyon ng mga Pilipinong sumali sa aming patimpalak. Naipakita ninyo ang inyong angking galing sa matalinghagang pagsulat at ang inyong pagkamalikhain sa temang binigay at uri ng sulatin.
Hindi man gaano karami ang nagsumite ng kanilang mga gawa, lubos parin ang aming tuwa dahil may mga Pilipinong gustong matuto ng ibang gawain at magkaroon ng ibang paraan para makuha ng biyaya sa steemit. Asahan niyong tuloy-tuloy ang aming mga proyektong gustong ipamahagi sa mga Pilipino.
Kaya ito na ang mga mapapalad na napili at mananalo ng karagpatang gantimpala
Literaturang Filipino : Sampung Segundo
Kabisadong-kabisado niya ang tatahaking daan patungo sa paroroonan. Araw-araw niya ginagawa ito. Mamimili ng pulang mga rosas pagkatapos ay didiretso sa puntod ng asawa. Tatlong daan at limampu't walong araw na niya ginagawa ang bagay na iyon.
Literaturang Filipino : Angel na tagapag-alaga
Hindi siya pinansin ng kaniyang Lola sa sinabi niya. Tinungo nila ang upuang nakapangalan na sa pala sa kanila, hindi na maaaring mamili pa. Bago mag-umpisa ang byahe nila ay taimtim na nagdasal ang batang lalake sa Lumikha na ingatan sila sa kanilang byahe.
Literaturang-Filipino: Grasya na disgrasya!
Si Grasya ay ang kaisa-isang anak ni Aleng Tiya. Sila ay nakatira sa isang liblib na baryo na kung tawagin ay Kapos. Milya-milya ang layo ng bayan sa kanilang maliit na baryo kaya si Grasya ay hindi nabigyan ng pagkakataon na makapag-aral sa sekundarya. Ganunpaman, siya'y lubos na nasisiyahan sapagka't mayroon namang elementarya sa kalapit na baryo.
Literaturang Filipino : Ang Anghel Nang Aking Buhay (HANGO SA TUNAY NA PANGYAYARI)
Isang maaliwalas na panahon ang bumati sa aming mag-lola. O kay sarap pagmasdan ang aking bibo at masayahing apo. Mababakas sa kanyang bawat ngiti at lundag ang tunay na kaligayahan buhat sa bertdeyan na aming pinuntahan. Binabagtas namin ang gilid ng kalsada kasabay ang mga sasakyang abala sa kanilang pagtakbo. Kami’y tumigil sa guhit na puti, ang tamang tawiran upang makarating ng ligtas sa kabilang dulo. Ang hindi namin alam, sa ikalawang hakbang ay magbabago ang lahat.
Literaturang-Filipino: Himala ng Pagbabago
Si Teresa ang nag-iisang anak ng kanyang Ina na si Gloria. Wala na siyang ama dahil iniwan sila ng kanyang ina habang nasa sinapupunan pa si Teresa. Kaya labis na galit ang naramdaman ng kanyang puso ng pinatay ang kaniyang Ina.
Congratulations sa inyo at Maraming Salamat!
Sa mga hindi pinalad na manalo, maraming salamat dahil naging parte kayo sa paligsahan at naipakita niyo ang angkin ninyong galing sa pagsulat ng wikang Filipino. Naway mapaunlad pa ninyo ang inyong kakayahan sa pagsulat at sumali ng sumali sa mga magaganap pang patimpalak hanggang manalo na.
Narito ang Bagong Patimpalak
Ano ang isusulat?
Maikling Kuwento
Kuwento na maaaring totoo o fiction lamang. Hindi dapat lalagpas sa 500 na salita at hindi bababa sa 300.
Tema ng Maikling Kuwento
Karahasan
Ito ay mga kuwentong nagpapahayag ng mga karahasan na nangyari sa buhay ng may akda. Maaari ring tungkol sa isang bagay na fiction o hindi-fiction na kaugnay sa karahasan na tema ng paligsahan.
Mga Alituntunin na dapat sundin sa pagsali
- I-resteem at i-upvote itong post.
- Ang gawang literatura ay dapat isulat sa wikang Filipino
- Gamitin ang tag na #literaturang-filipino at #karahasan
- Ilagay sa pamagat ang: "Literaturang Filipino"
- Gumawa lang ng isang nilalaman o gawa.
- Ilathala ang gaw sa loob ng 6 na araw pagkatapos malathala ang anunsyo.
Higit sa lahat, Sundin ang mga alituntunin sa pagsali!
Pagbabasehan ng Mananalo
Ang pagbabasehan ng mananalong gawa ay:
- Dami ng mga salita o pangungusap o parilalang ginamit.
- Ganda ng pagkagawa
- Kaugnayan sa Tema o Paksa at
- Dami ng boto galing sa ibang Pilipino
Gantimpala
May tatlong mananalo sa paligsahan:
- 1st - Makatatanggap ng 5 SBD
- 2nd - Makatatanggap ng 3 SBD
- 3rd - Makatatanggap ng 2 SBD
Layunin ng