如果大家係第一次接觸比特幣同埋其他虛擬貨幣，大家一定會問，究竟係邊度買架？基本上有四個方法可以買嘅：
- 點對點
- 海外交易所
- 本地交易所
- 提款機
點對點 (P2P)
P2P 簡單嚟講就係好似你上yahoo拍賣咁搵一個賣家賣緊你想買嘅野，而通常大家可以透過一啲電報 (Telegram) 群組搵依啲賣家。操作上一般就係傾好價錢約一個時間出嚟面交。而當中潛在問題就係：
- 價錢有機會較高
- 交易過程俾人偷左你啲錢
- 購買數量彈性較小
海外交易所
一般要喺海外交易所購買虛擬貨幣需要電匯去交易所或者直接用信用卡購買。一般使用信用卡買會有較高嘅手續費，而近期發卡銀行亦開始禁止客戶用信用卡購買虛擬貨幣，所以小編還是建議大家電匯到交易所購買比較穩妥！當中潛在問題就係：
- 信用卡手續費高
- 發卡銀行禁止信用卡購買
- 銀行禁止電匯
以下係一啲小編常用嘅交易平台，排名不分先後 (事先聲明小編是沒有收取任何廣告費的啊！)
- Bitstamp 歐洲平台能使用信用卡
- Quoinex/Qryptos 日本平台於日本金融廳註冊
其實仲有其他平台不過佢哋普遍唔接受法幣購買虛擬貨幣，其他平台我之後會再介紹。
本地交易所
一般本地交易所容許到辦事處入錢，但係一般虛擬貨幣價格較高交易量較低，所以小編唔建議大家使用。
以下係一啲常用嘅交易平台，排名不分先後
- Anxpro
- Tidebit
提款機
小編都係唔建議大家用提款機嚟購買虛擬貨幣，因為價錢比其他方法買嘅貴好多。
總結
以上寫咗一個簡單購買虛擬貨幣嘅介紹，接下來會講多啲虛擬貨幣嘅基本概念。
台灣與大陸的朋友抱歉🙇🏻♂️🙇🏻♂️，小編用了口語撰寫這篇文章，往後的文章將會用書面語寫啊！希望各位多多支持！
