點解投資加密貨幣既新手唔應該從Mining開始？

好多人一聽到Bitcoin都會諗起挖礦，覺得挖礦一定好高回報好易賺錢，仲可以製造被動收入(Passive income)，聽落就真係好似幾吸引既，但實際上係唔係呢? 筆者從來都唔建議新手一接觸Bitcoin同其他Cryptocurrency就由挖礦同市面上所謂既cloud mining contracts開始，點解？

首先，隨著越來越多人認識Bitcoin同埋硬件越黎越advanced，全網算力同挖礦難度一定係以幾何級數上升，啫係你挖到既Bitcoin數量會越黎越少，只要價格唔係跟住上升你就無乜著數，實際上即使Bitcoin價格自年頭起跌左差唔多七成，挖礦難度都係Keep住咁exponentially上升。

尤其係買cloud mining contracts實在係一個不智既選擇，因為通常你最後挖到既幣既數量都會少過你就咁去交易所買幣，仲有機會被人cut contract，新手容易誤墮陷阱，而香港都有唔少苦主墮入騙徒既陷阱，而當中唯一賺錢既咪就係賣合約俾你果間公司囉。

買呢類contract通常即使Bitcoin價格急升，投資者都仲需要一段時間回本，你有賺既時候其他直接買幣既人可能已經一早賺左幾倍，咁點解要多此一舉呢？

再者，購置礦機同香港電費成本都十分高昂，仲要搵地方安置礦機廿四小時，既阻掟又好似開住暖氣咁(咁都好既冬天唔洗開暖爐)。而且挖礦都需要比較專業既知識，唔係一般散戶投資者可以輕易獲取巨大利潤既地方，所以筆者認為透過交易所買幣先係比較適合新手開始投資Crypto既途徑。如果想透過Crypto做到Passive income既話，不妨睇睇有啲咩值得投資既行POS/DPOS機制(e.g. ARK, LISK, STEEM)或者有masternode(e.g. DASH, PIVX)既coins，筆者係之後既Posts會再介紹，呢類幣唔需要大量電力黎挖礦，係對想收息或者製造被動收入既投資者黎講一個較好既選擇。