2017-yil 16-oktabr O’zbekiston vaqti bo’yicha soat 20:00 da o’zining Garxingda joylashgan shtab-kvartirasida ESO press-konferensiya o’tkazmoqchi. Bu konferensiyada shu paytgacha payqalmagan astronomik hodisa bo’yicha inqilobiy kuzatishlar xulosasi taqdim etiladi.
Bu haqda xabar hozirda Chilidagi Paranal ESO observatoriyasida uning Bosh direktori Xavyer Barkons (Xavier Barcons) tomonidan e’lon qilinadi. Bundan tashqari Yevropaning ko’pgina ilmiy-tadqiqot hamjamiyatlarining vakillari ham nutq so’zlaydilar.
RFA Kosmik taqdqiqotlar Instituti (KTI) quyidagicha ma’lumot bermoqda: 16-oktabr kuni konferens-zalda “INTEGRAL observatoriyasi: orbitadagi muvvafaqiyatli 15 yil” ilmiy sessiyasi va press-konferensiya bo’lib o’tadi. Bu yerda, LIGO/Virgo gravitatsion-to’lqinli, “Integral” va “Fermi” kosmik observatoriyalari hamda ular bilan muvofiqlikda ishlaydigan yer teleskoplari orqali qo’lga kiritilgan misli ko’rilmagan ilmiy yangilik haqida e’lon qilinadi. Kashfiyot mualliflaridan biri bo’lgan RFA KTI hodimlari shu paytgacha biron marta kuzatilmagan fizik hodisaning ilk bor qayd qilinishi haqida gapirib beradilar. Sessiya va press-konferensiyada Roskosmos, Rossiya fanlar akademiyasi, Yevropa kosmik agentligi, Yevropa davlatlari kosmik agentiklari, Rossiya institut va universitetlari olimlari va raketa-kosmik sanoat vakillari ishtirok etadilar. Qaytarib o’tamiz, press-konferensiya boshlanish vaqti UTC+1 bo’yicha 16:00 da, ya’ni O’zbekiston vaqti bo’yicha 20:00 da. Aynan shu vaqtda kashfiyotga bag’ishlangan maqolalar chop etish va press-relizlar embargosi yechiladi. Bundan tashqari, shu paytda parallel press-konferensiyalar AQSh, Italiya, Niderlandiya, Germaniya, Yaponiya, Koreya, Argentina, Avstraliya va JARda ham bo’lib o’tadi.