"Sa Pag-ikot ng Mundo"
Umidlip kang umiiyak at bigo
Subalit pagdilat mo'y nagbago ang mundo
Puso ay naguguluhan at natutuliro
Bakit kaybilis ng pag-ikot ng mundo?
Sa isang iglap iba na ang nakikita mo
Para bang enkantong nangugulo
Sa mundong kaybilis kung magbago
Saan tayo pupunta, saan patutungo?
Ang nakikita ng mo'y biglang mag-iiba
Kaya siguraduhing bukas yaong mata
Sa bilis ng pag-ikot baka tayo'y madapa
Sa pagmamadali'y wala tayong mapala
Ang bigo'y umidlip ng nakatingala
Ngunit sa pagdilat ay iba na ang nakita
Guni-guni, tayo'y may nakikita
Parang ang mundong kaybilis mag-iba
—
Image Taken From Pixabay [1]
